Rasijskija samaloty pierabazavalisia na biełaruskija aeradromy
Šturmaviki Su‑25 ažyćciavili pasadku na aeradromie 206‑j šturmavoj avijabazy ŭ Lidzie, źniščalniki Su‑27 i MiH‑29 — 61‑j źniščalnaj avijabazy ŭ Baranavičach, viertaloty Mi‑24 — 181‑j bajavoj viertalotnaj bazy ŭ Pružanach.
13 kastryčnika, ŭ druhoj pałovie dnia, padraździaleńni rasijskaj avijacyi, jakija biaruć udzieł u kompleksnych apieratyŭnych vučeńniach Uzbrojenych sił Biełarusi «Vosień‑2008», pierabaziravalisia na try biełaruskija vajennyja aeradromy. Pra heta BiełaPAN paviedamili ŭ Hałoŭnym štabie VPS i vojskaŭ SPA Biełarusi.
Šturmaviki Su‑25 ažyćciavili pasadku na aeradromie 206‑j šturmavoj avijabazy ŭ Lidzie (Hrodzienskaja vobłaść), źniščalniki Su‑27 i MiH‑29 — 61‑j źniščalnaj avijabazy ŭ Baranavičach (Bresckaja vobłaść), viertaloty Mi‑24 — 181‑j bajavoj viertalotnaj bazy ŭ Pružanach (Bresckaja vobłaść).
Usiaho z boku rasijskaj vajennaj avijacyi ŭ vučeńniach «Vosień‑2008» buduć zadziejničany 12 latalnych aparataŭ i prykładna 300 čałaviek asabovaha sastavu, u tym liku apieratyŭnyja hrupy ŭ štabach i piersanał, jaki absłuhoŭvaje avijacyjnuju techniku.
Jak zaznačyli ŭ Hałoŭnym štabie VPS i vojskaŭ SPA, pierabaziravańnie rasijskaj avijacyi prajšło biez zdareńniaŭ.
Vučeńni projduć na terytoryi Biełarusi 15—21 kastryčnika.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni3
Kamientary