Były prezident Paŭdniovaj Karei Pak Kyn Chie asudžana na 24 hadoŭ turmy i štrafu ŭ 18 młrd vonaŭ (kala $ 17,5 młn).
Pra heta havorycca ŭ prysudzie Centralnaha rajonnaha suda Sieuła, paviedamlaje ahienctva Yonhap. Sud padtrymaŭ bolšuju častku pradjaŭlenych Pak Kyn Chie abvinavačvańniaŭ, u tym liku ŭ razhałašeńni dziaržaŭnaj tajamnicy, vymahalnictvie i atrymańni chabaraŭ, a taksama złoŭžyvańni ŭładaj. Usie abvinavačvańni były paŭdniovakarejski lidar adchilaje. Prakuratura Paŭdniovaj Karei patrabavała dla eks-prezidenta 30 hadoŭ źniavoleńnia.
Pak Kyn Chie vinu nie pryznała. Na pasiedžańni 6 krasavika były prezident nie prysutničała, spasłaŭšysia na drennaje samaadčuvańnie
***
Karupcyjny skandał z udziełam Pak Kyn Chie razhareŭsia ŭ 2016 hodzie. Pa viersii śledstva, blizkaja siabroŭka eks-prezidenta Čchvie Sun Sil, karystajučysia siabroŭstvam z paŭdniovakarejskim lidaram, vymahała hrošy ŭ bujnych karparacyj, u tym liku Samsung i Lotte.
U kancy 2016 hoda parłamient abviaściŭ Pak Kyn Chie impičmient, a ŭ krasaviku 2017 hoda joj pradjavili abvinavačvańni. Čchvie Sun Sil była prysudžanaja ŭ lutym 2018 hoda da 20 hadoŭ za karupcyju i ŭmiašańnia ŭ spravy krainy.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary