Pra heta Alaksandr Łukašenka zajaviŭ siońnia na sustrečy z členam Centralnaha vajennaha savieta, členam Dziaržsavieta, ministram abarony KNR Vejem Fenche, piša BiełTA.
«U naš čas vy adyhrali vyrašalnuju rolu va ŭzmacnieńni abaranazdolnaści Biełarusi. Vy dapamahli nam stvaryć samyja sučasnyja kaśmičnyja padraździaleńni, adpravić na arbitu samy sučasny spadarožnik. My z vami stvaryli ŭ Biełarusi samy sučasny centr kiravańnia palotami. Vy dapamahli nam stvaryć samaje sučasnaje rakietnaje ŭzbrajeńnie dla biełaruskaj armii. Na padstavie hetaha, ja dumaju, my stvaryli bolš sučasnyja ŭzory rakietnaha ŭzbrajeńnia, jakija zacikaviać ŭžo i vaša vojska. Ja ŭdziačny vam za tuju biazvypłatnuju dapamohu, jakuju vy akazvali našamu vojsku», — padkreśliŭ kiraŭnik dziaržavy.
Łukašenka padkreśliŭ, što Biełaruś u daŭhu nie zastaniecca. «Vy heta pavinny viedać, i ŭsio kiraŭnictva Kitaja pavinna ab hetym viedać», — skazaŭ jon.
«Vy nam padstavili plačo ŭ samy składany čas, kali ŭvieś Zachad uvioŭ sankcyi suprać Biełarusi. My heta pamiatać budziem doŭha. U vas jość tut nadziejnyja siabry», — dadaŭ kiraŭnik dziaržavy.
Kamientary