Siamja Džona Makkiejna pa «stanie na siońniašni dzień» płanuje zaprasić na jaho pachavańnie vice-prezidenta ZŠA Majka Pensa, a nie prezidenta Trampa, praz «napružanyja dačynieńni» respublikanskaha sienatara z haspadarom Biełaha doma. Pra heta paviedamlaje Radyjo Svaboda sa spasyłkaj na The New York Times.
Aficyjnaj infarmacyi pra stan zdaroŭja Džona Makkiejna niama, ale ŭskosnyja prykmiety śviedčać, što jon vielmi ciažki. U lipieni 2017 hoda ŭ Makkiejna byŭ dyjahnastavany rak mozhu. U tym ža miesiacy jon razyšoŭsia sa svajoj partyjaj i prahałasavaŭ suprać admieny reformy sistemy medycynskaha strachavańnia, ažyćcioŭlenaj Barakam Abamam. Hety krok sienatara nastolki razzłavaŭ Donalda Trampa, što bolš jak praz paŭhoda jon nahadaŭ jaho Makkiejnu na partyjnaj kanfierencyi.
U 2015 hodzie Tramp zajaviŭ, što Džon Makkiejn, vajskovy lotčyk, vieteran vjetnamskaj vajny, nie źjaŭlajecca «hierojem», pakolki byŭ źbity nad Chanojem i pravioŭ šeść hadoŭ u pałonie.
Trampa nie było siarod zaprošanych na pachavańnie byłoj pieršaj łedzi Barbary Buš, jakaja pamierła ŭ minułym miesiacy. Tady Bieły dom vydaŭ zajavu, što prezident nie budzie prysutničać na pachavańni, bo «pavažaje siamju Buš i razumieje, što arhanizacyja jaho asabistaj achovy moža pieraškodzić praviadzieńniu žałobnaj cyrymonii».
-
Lidary ES damovilisia vydzielić Ukrainie 90 młrd jeŭra. Zamarožanyja rasijskija aktyvy vykarystoŭvacca nie buduć
-
Tramp zahadaŭ uvieści «poŭnuju i kančatkovuju» błakadu ŭsich tankieraŭ, jakija zachodziać u Vieniesuełu
-
U Kazachstanie byli rašuča nastrojenyja adstralać kala miljona sajhakaŭ, ale žyvioły schavalisia ŭ Rasii
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary