Siryjskija ŭradavyja ŚMI paviedamili, što Izrail nanios u aŭtorak pavietrany ŭdar pa vajskovaj bazie ŭ horadzie Al-Kisva. Jon raźmieščany na poŭdzień ad Damaska, prykładna za 50 km ad miažy ź Izrailem.
Ahienctva navin Sana paviedamiła, što siryjskija SPA źbili dźvie izrailskija rakiety.
Aficyjnyja ŚMI nie paviedamlajuć pra achviaraŭ abstrełu, ale Centr pa manitorynhu pravoŭ čałavieka ŭ Siryi śćviardžaje, što zahinuli prynamsi dzieviać čałaviek.
Siarod zahinułych, paviedamlaje hetaja arhanizacyja, bajcy Korpusa vartavych isłamskaj revalucyi Irana i šyickija apałčency.
Raniej u aŭtorak z hetaha rajona pastupali paviedamleńni pra vybuchi na vajennaj bazie.
Pradstaŭnik siryjskaha kamandavańnia paviedamiŭ ahienctvu Rejter, što metaj pavietranaha ŭdaru byli pazicyi siryjskaj armii.
Izrail nie prakamientavaŭ hetyja paviedamleńni, ale zajaviŭ, što nie dapuścić zamacavańnia iranskaj vajennaj prysutnaści ŭ Siryi.
Kamientary