Festyval biełaruskaj bardaŭskaj dy aŭtarskaj pieśni budzie pravodzicca 15 raz.
Festyval biełaruskaj bardaŭskaj dy aŭtarskaj pieśni budzie pravodzicca 15 raz.
«Bardaŭskaja vosień 2008» u Bielsku sioleta maje admysłovuju prahrama. Pa‑pieršaje, jon budzie doŭžycca 4 dni — z 24 pa 27 kastryčnika. Pa‑druhoje, hetym razam nie budzie konkursu maładych bardaŭ, adbuducca tolki kancerty zorak. Abumoŭlena heta tym, što fiestyval jubilejny.
Pieršy kancert adbudziecca ŭ piatnicu, 24 kastryčnika, u Bielskim domie kultury. U im voźmuć udzieł muzyki jak ź Biełarusi, tak i ź Biełastoččyny, — Aleh Kabzar, Tamaš Sulima, Ilo&Friends, Źmicier Vajciuškievič, Lavon Volski.
Na nastupny dzień u stalicy «Vosieni» Bielsku projdzie adrazu dva kancerty:
a 15‑hadzinie ŭ miascovaj Ratušy vystupić Aleha Kabzara i adbudziecca sustreča z haściami festu — paetkaj Nadziejaj Artymovič, mastakom i paetam Michałam Aniempadystavym, dyrektaram Bielskaha biełaruskaha liceju Andrejem Ściepaniukom. A ŭviečary, a 18‑j hadzinie, u Bielskim domie kultury pačniecca jašče adzin kancert, u jakim vozmuć udzieł: hurt «Bosaje Sonca», Kasia Kamockaja, Taćciana Biełanohaja, Alaksandr Pamidoraŭ, muzyčny prajekt «Narodny albom».
Pieršy i druhi kancert ź Bielskaha doma kultury budzie tranślavacca ŭ pramym efiry na Radyjo Racyja.
Tradycyjna festyval «Bardaŭskaj vosień 2008» nie abmiažoŭvajecca kancertami ŭ samim Bielsku.
26 kastryčnika ŭ sinahozie ŭ Orli adbudziecca kancert Alaksandra Pamidorava i Viktara Šałkieviča. Pačatak a 16‑j hadzinie.A ŭ Hajnaŭskim muziei projdzie prezientacyja filmu «Niasi mianie vosień, albo bardy ŭ Bielsku» i sustreča z režysioram filmu Viktaram Korzunam. Zavieršycca imprezy «Žanočym kancertam» z udziełam Kasi Kamockaj i Taćciany Biełanohaj.
I znoŭ‑taki tradycyjna, zavieršycca «Bardaŭskaja vosień» žyvym kancert u pramym efiry Radyjo Biełastok, jaki adbudziecca 27 kastyčnika. U kancercie vozmuć udzieł Aleh Kabzar, Alaksandr Pamidoraŭ i hurt «Bosaje Sonca».
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary