Barysaŭskija muškieciory praź dziesiać hadoŭ źbirajucca ŭ Breście — cikavostki dziasiataha tura čempijanatu Biełarusi pa futbole

Razam z Bukmiekierskaj kantoraj Marafon my praciahvajem sačyć za čempijanatam Biełarusi pa futbole.

Paśla hetych vychadnych my zafiksujem, što tracina turnirnaj dystancyi ŭžo projdziena. Ščyra kažučy, pakul nie bačna, ci zmoža choć niechta skłaści kankurencyju BATE ŭ baraćbie za čempijonstva. Bresckaje «Dynama», niahledziačy na źmienu treniera i padpisańnie Maradony, praciahvaje buksavać. Što cikavaha rychtujuć nam hetyja vychadnyja?

«Dynama» (Minsk) — «Minsk»

• 01.06 / 18:45. Stadyjon «Traktar»
• Kaeficyjenty: «Dynama-Minsk» (pieramoha) — 1.33, ničyja — 4.70, «Minsk» (pieramoha) — 10.00

Pavialičyć

Dynamaŭcy zmahli skaracić adstavańnie ad BATE da 5 punktaŭ, ale hetaha vielmi mała jašče. Kamanda Siarhieja Hurenki pakazała zajzdrosny bajcoŭski duch, pieramohšy «Smalavičy» tolki na apošnich chvilinach. Znoŭ lidaram kamandy zarekamiendavaŭ siabie ŭkrainski lehijanier «bieła-błakitnych» Najok. Były abaronca «Dynama» Siarhiej Palicievič kaža, što šancy na miedali ŭ «Dynama», biezumoŭna, buduć. Hałoŭnaje — nie hublać punkty ŭ «svaich» hulniach.

A «Minsk» prarvała — i jak! Kamanda nie mahła pieramahčy ŭ 21 sustrečy zapar, da absalutnaha antyrekordu čempijanatu zastavałasia ŭsiaho try hulni. U hulni z «Tarpieda» «haradžanie» zabili až šeść hałoŭ. Naradžajucca i maładyja zorki «Minska», takija jak Dźmitryj Ancileŭski i Dźmitryj Biaśśmiertny. Pra apošniaha na hetym tydni vyśvietliŭsia cikavy fakt: chłopiec navučajecca ŭ Akademii kiravańnia pry prezidencie. I takoje byvaje ŭ našym futbole.

Prahnoz «NN»: «Minsk» zabje.

«Nioman» — «Šachcior»

• 01.06 / 20:45. CSK «Nioman»
• Kaeficyjenty: «Nioman» (pieramoha) — 3.16, ničyja — 2.82, «Šachcior» (pieramoha) — 2.54

«Nioman» u ahni. Mabyć, samaja haračaja kamanda čempijanatu prosta ciapier. Čatyry pieramohi zapar vyvieli haradziencaŭ na treci radok u turnirnaj tablicy. Pryčym nie skažaš ža, što i kamandy pieramahli słabyja.

«Šachcior» taksama nie skazać što ŭ drennaj formie — usio ž maje čatyry pieramohi ŭ piaci apošnich matčach. Źmiena kiraŭnictva jaŭna pajšła kamandzie na karyść. U hulni z «Homielem» ździviŭ Šymunavič, jaki prabiehsia ź miačom pałovu pola i bachnuŭ prosta ŭ dziaviatku. A voś były spartyŭny dyrektar «Šachciora» łatvijec Dźmitryj Chachłoŭ nazvaŭ Biełaruś krainaj papierak. Maŭlaŭ, tut usiudy treba spravazdača. Hulnia abiacaje być vielmi cikavaj — usio ž centralnaja sustreča tura.

Prahnoz «NN»: «Nioman» nie sastupić.

«Tarpieda» — «Dynama-Brest»

• 02.06 / 14:45. Stadyjon «Minsk»
• Kaeficyjenty: «Tarpieda» (pieramoha) — 8.20, ničyja — 4.00, «Dynama-Brest» (pieramoha) — 1.45

Pavialičyć

«Tarpieda» ŭ vielmi mocnym kryzisie. Na maralna-valavych kamanda dastatkova ŭdała startavała ŭ vyšcy, ale potym akazałasia, što da surjoznych hulniaŭ kamanda nie zusim hatovaja. Vykažu mierkavańnie, što na siońniašni dzień mienavita «Tarpieda», a nie «Haradzieja» ci «Homiel» źjaŭlajecca hałoŭnym pretendentam na vylet. Sa stanu «čorna-biełych» pryjšła jašče adna navina: pačaŭsia zbor podpisaŭ za ŭratavańnie stadyjona «Tarpieda», ź jakoha chočuć zrabić zakryty maniež.

Bieraściejcy ž nie mohuć pieramahčy dźvie hulni zapar. Matčy ź nie samymi krepkimi «Słuckam» i «Dniaprom» skončylisia z adnolkavym likam — 1:1. Ciapier «Dynama» moža padpisać Siarhieja Kryŭca. Možna skazać, užo značnaja častka staroha BATE pierakačavała ŭ horad nad Buham: Hutar, Niachajčyk, ciapier Kryviec. Maradona ž u svaim instahramie adznačyŭ, što hladzieŭ apošni matč novaj kamandy i ŭžo šukaje šlachi dla ŭzmacnieńnia «Dynama».

Prahnoz «NN»: pieramoha «Dynama» z roźnicaj u 2 hały ci bolš.

«Dniapro» — «Viciebsk»

• 02.06 / 16:45. Stadyjon «Spartak»
• Kaeficyjenty: «Dniapro» (pieramoha) — 4.45, ničyja — 2.82, «Viciebsk» (pieramoha) — 2.06

«Dniapro» ŭtrymaŭ udar u vielmi składanaj hulni z bresckim «Dynama». Na hety matč pryjšło bolš za 8 tysiač hledačoŭ. U Mahilovie pry takoj atmaśfiery vystupać «račnym» nie davodziłasia. Cikava, što padtrymać svaju kamandu ŭ Brest dajechaŭ usiaho tolki adzin fanat «Dniapra». Mahiloŭcy pakul taki typovy sieradniačok, jaki nie pretenduje ni na miedali, ni na vylet.

«Viciebsk» ža pa viaśnie ŭ vielmi dobraj formie. Kamanda atrymała ŭ apošnich hulniach suchija pieramohi nad mocnymi «Słuckam» i «Tarpieda-BiełAZam». Heta mnohaha varta. Lehijaniery kštałtu Ledesmy viaduć kamandu za saboj, biełarusy taksama vučacca. Zdajecca, u hetym siezonie «Viciebsk» maje samyja surjoznyja namiery vieści baraćbu za miedali.

Prahnoz «NN»: pieramoha «Viciebska» i totał mieniej za 2,5.

«Homiel» — «Pramień»

• 02.06 / 18:45. Stadyjon «Centralny»
• Kaeficyjenty: «Homiel» (pieramoha) — 2.15, ničyja — 2.82, «Pramień» (pieramoha) — 4.10

Pavialičyć

«Homielu» luta nie šancuje. Kamanda šmat atakuje, niakiepska hladzicca ŭ stvareńni, ale na zaviaršalnaj stadyi nie moža davodzić spravu da kanca. U «bieła-zialonych» usio jašče niama pieramoh u čempijanacie. Zatoje pa-za polem hulcy «Homiela» dajuć sapraŭdny prykład inšym. Hulcy kamandy Aleh Kavaloŭ i Miłavan Kapor, a taksama nastaŭnik kamandy Alaksiej Miarkułaŭ naviedali ŭ balnicy chvoraha na rak straŭnika 28-hadovaha zaŭziatara Juryja Rubanika.

«Pramień» moža narakać tolki na siabie, što kamanda nie daviała da pieramohi sustreču z «Haradziejaj» u minułym tury. Usio było ŭ nahach minčukoŭ, ale jany trapili ŭ niejki stupar. Žadańnie reabilitavacca ŭ Homieli budzie zaškalvać.

Prahnoz «NN»: pieramoha «Homiela».

«Haradzieja» — BATE

• 02.06 / 20:45. Stadyjon «Haradzieja»
• Kaeficyjenty: «Haradzieja» (pieramoha) — 9.40, ničyja — 4.60, BATE (pieramoha) — 1.35

Pra prablemy «Haradziei» ŭžo havorana-pierahavorana. Kiraŭnictva kamandy, jak vyratavańnia, čakała viartańnia ŭ hulniu sierbskaha napadajučaha Bojana Dubaiča. Ale sierb pakul nie apraŭdvaje vydadzienyja jamu pa vynikach minułaha siezona avansy. Pakul my možam kanstatavać, što niešta vidavočna nie tak u cukrovym karaleŭstvie. I čym chutčej haradziejcy zrazumiejuć, u čym sprava, tym bolej šancaŭ budzie zastacca ŭ vyšejšaj lizie.

U minułym tury BATE niečakana straciŭ pieršyja ački ŭ čempijanacie. Ładna b u hulni z kimści ź lidaraŭ, to nichto b i nie pahladzieŭ kosa. A tut z «Isłačču». Alaksandr Hleb pryznaŭsia, što ŭłaśnik BATE Anatol Kapski paśla matča zajšoŭ u raździavałku i zładziŭ dastatkova emacyjny raznos kamandzie. Druhuju asiečku zapar u Barysavie ciarpieć nie majuć namieru. Tamu «Haradziei» ŭ hetym płanie nie pazajzdrościš.

Prahnoz «NN»: pieramoha BATE z roźnicaj bolšaj, čym adzin hoł.

«Isłač» — «Smalavičy»

• 03.06 / 16:00. Stadyjon «Minsk»
• Kaeficyjenty: «Isłač» (pieramoha) — 2.06, ničyja — 2.82, «Smalavičy» (pieramoha) — 4.45

Pavialičyć

«Isłač» vyjdzie na hety matč jaŭna ŭ pryŭźniatym nastroi. Kamanda mahła pryvieźci try punkty z Barysava, kali b krychu pašancavała. Vital Žukoŭski kłasna pieraviarnuŭ chod toj sustrečy zamienaj Pabudzieja na Ziuleva. Admietna, što hrošy, sabranyja ad prodažu biletaŭ na hetuju hulniu, buduć pieraviedzienyja ŭ RNPC dziciačaj ankałohii, hiematałohii i imunałohii. Dobraje pačynańnie «vaŭkoŭ».

«Smalavičy» najpierš pryciahvajuć uvahu svaim kałarytnym stadyjonam u pasiołku Kastryčnicki. Pobač z tym stadyjonam — viaskovyja domiki, nieabkošanaja trava. Mnohija adrazu ŭjaŭlajuć Maradonu ŭ takich dekaracyjach. Tak sabie vidovišča, skažam ščyra.

Prahnoz «NN»: «Isłač» pieramoža.

«Tarpieda-BiełAZ» — «Słuck»

• 03.06 / 18:00. Stadyjon «Tarpieda»
• Kaeficyjenty: Tarpieda-BiełAZ (pieramoha) — 2.06, ničyja — 2.82, Słuck (pieramoha) — 4.45

Sustrakajucca niaŭdačniki apošnich turaŭ. «Tarpieda» sastupiła «Viciebsku» i «Niomanu». Heta śviedčyć, što žodzincy ŭ stresavych situacyjach nie zdolnyja da stabilnaj hulni. I, majučy takija niezajzdrosnyja jakaści, vielmi ciažka budzie pretendavać na niešta vysokaje.

Što tyčycca «Słucka», to ŭ kamandzie pierastaŭ zabivać Jaŭhien Šykaŭka — i vyniki adrazu pajšli ŭniz. U hetym płanie hulnia vielmi pryncypovaja dla abiedźviuch kamand: chto ž pieršy pierarvie niaŭdałuju sieryju?

Prahnoz «NN»: ničyja.

Vybierycie matč i abaviazkova naviedajcie stadyjon! A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!

• 0
• 0
• 0
• 0
• 0
• 0
• 0
• 0