Šunievič prakamientavaŭ zatrymańni dziasiatkaŭ čałaviek na Zybickaj
Ministr unutranych spraŭ Ihar Šunievič prakamientavaŭ niadaŭnija masavyja zatrymańni na vulicy Zybickaj u Minsku. Adkazvajučy na pytańnie Jeŭraradyjo, jon skazaŭ nastupnaje:
«U hetaj častcy horada pastajanna adbyvajucca parušeńni hramadskaha paradku. Redka, ale prychodziać zajavy ad hramadzian. My praviali niekatoryja mierapryjemstvy dyjahnostyki hetaha rehijonu. Ja liču, što my dziejničajem u miežach svaich paŭnamoctvaŭ dosyć karektna. Brutalnaha zatrymańnia, jak pisali niekatoryja ŚMI, nie było. Usio było dakładna i piśmienna. U dalejšym śpiecyjalnych adpracovak nie budzie. Budziem hetak ža reahavać na zvaroty hramadzian»
2-3 červienia milicyja pry ŭdziele amapaŭcaŭ zatrymała na Zybickaj («hałoŭnaj tusovačnaj vulicy» stalicy) kala tryccaci čałaviek. MUS paśla zajaviła, što nijakaha «chapuna» nie było, zatrymlivali tolki za znachodžańnie ŭ hramadskim miescy ŭ niećviarozym stanie abo raśpićcio ałkaholu pa-za kaviarniami i letnimi terasami.
Što da płanaŭ ustalavańnia na Zybickaj videakamier, to jany «ŭstaloŭvajucca ŭ adpaviednaści z zakonam, abjekty vyznačany i niejkaja vulica vyklučeńniem nie moža być», skazaŭ Šunievič.
Kamientary