10 biełaruskich i zamiežnych žančyn, jakija zrabili sabie imia ŭ futbole FOTY
Žart pra toje, što ŭ kožnaha druhoha mužčyny na płaniecie ciapier, padčas čempijanatu śvietu pa futbole, «hetyja dni», pa ščyraści, nabiŭ askomu.
Byccam žančyny zastajucca pa-za futbołam!
Nie, žančyny nie prosta lubiać futboł, a niekatoryja ź ich zrabili futboł častkaj svajho žyćcia. Jany pryjšli ŭ mužčynski futboł i damahlisia pavahi navat tych, chto spačatku nie prymaŭ ich surjozna abo ličyŭ hiendarny barjer u samaj papularnaj hulni płaniety niepieraadolnym.
Čan Jun-Cin: trenierka, jakaja zrabiła svoj kłub čempijonam
Čan pryjšła pracavać trenieram u hankonhski mužčynski kłub Eastern, kali joj było 26 hadoŭ. I ŭžo na nastupny hod kamanda stała čempijonam Hankonha.
Takim čynam, Čan stała pieršaj u historyi žančynaj, jakaja pryviała prafiesijnuju mužčynskuju futbolnuju kamandu da pieramohi ŭ vyšejšym dyvizijonie. Da hetaha stać čempijonam kłubu nie ŭdavałasia ciaham 20 hod.
Futbołam dziaŭčyna zachapiłasia jašče ŭ siaredniaj škole, kali ŭbačyła pa televizary zorku anhlijskaj premjer-lihi Devida Bekchema — jon skaryŭ jaje serca.
Padčas vučoby va univiersitecie temaj navukovaha daśledavańnia Jun-Cin staŭ futboł u Hankonhu z hieahrafičnaha punktu hledžańnia — jana vyvučała, jak na raźvićcio hetaha vidu sportu ŭpłyvaje klimat i miascovaja demahrafičnaja palityka.
Adrazu paśla zakančeńnia ŭniviersiteta Jun-Cin ŭładkavałasia na pracu ŭ hankonski futbolny kłub «Pegasus» ŭ jakaści analityka dadzienych — na niapoŭny pracoŭny dzień i mizierny zarobak.
«Ja zadumvałasia ab pracy ŭ palicyi, abo na dziaržsłužbie, abo, naprykład, nastaŭnikam, — kaža Jun-Cin u intervju. — Prykładna ŭ hety ž čas mnie patelefanavaŭ były trenier Eastern i zaprasiŭ na pracu».
Cikava, što svaim «prabiŭnyja» charaktaram Čan zarabiła sabie roznyja mianuški. Jašče ŭ škole jaje klikali Jałavičny Miač. A hulcy jaje kłuba nazyvajuć Čan ciotkaj Cha, jak adnu z hieraiń filma Styviena Čou «Karol kamiedyi».
Cichana Niemčyč: top-madel, jakaja treniruje mužčynski kłub
Byłaja abaronca charvackaj zbornaj na praciahu dziesiaci hadoŭ vystupała na prafiesijnym uzroŭni, adnak praz traŭmu kalena była vymušana zaviazać sa sportam.
Ale Cichana nie supakoiłasia na tym, što stała paśpiachovaj madellu.
Jana pastupiła vučycca va ŭniviersitet na śpiecyjalnaść «trenier». Adrazu paśla skančeńnia vučoby Cichanu paklikaŭ na pasadu hałoŭnakamandujučaha mužčynski futbolny kłub Viktorija Vojakovac.
«Ja hałoŭny trenier, i ŭ mianie jość poŭnaja svaboda dla taho, kab stvarać i płanavać taktyku kamandy. Kali žančyna i mužčyna majuć adnolkavyja navyki dla trenierskaj pracy, to ja nie baču pryčyn, pa jakich ja nie pavinna trapić u mužčynski futboł», — kaža Cichana.
Karyn Djakr: pieršaja ŭ Francyi atrymała statut prafiesijnaha treniera
40-hadovaja francužanka, jakaja treniruje kamandu «Klermon», u minułym — kapitan i rekardsmien zbornaj Francyi pa žanočym futbole pa kolkaści praviedzienych matčaŭ (121). Jana skončyła karjeru ŭ 32 hady praz razryŭ źviazkaŭ kalena.
Pačynała karjeru Karyn z troch parazaŭ u piaci turach. Ale paśla ŭziała kamandu ŭ svaje ruki, i «Klermon» staŭ pretendavać na vychad u lihu vyšej.
Styl jaje kiraŭnictva, jak kaža sama Karyn, spałučaje strohaść ź niefarmalnymi prykołami.
Treniery kamand-supiernic reahujuć na kalehu-žančynu adekvatna, a trenier francuzskaha «Bresta» pierad kožnym matčam, jakija hulajuć ich kamandy, doryć Karyn kvietki.
Bibijana Štajnchaŭs: sudździa najvyšejšaha ŭzroŭniu
Žančyny-sudździ nie takaja ŭžo redkaść u sučasnym futbole, ale da najvyšejšaha ŭzroŭniu dabirajucca adzinki. 39-hadovy aficer palicyi Bibijana Štajnchaus sudzić matčy ŭ Bundeślizie. I jana stała pieršaj žančynaj-arbitram ŭ jeŭrapiejskich top-lihach. Za jaje plačyma — dzieviatnaccać hadoŭ sudziejskaha stažu, ź ich dziesiać — u druhim dyvizijonie Hiermanii, dzie jana i zarabiła aŭtarytet, nieabchodny lubomu refiery surjoznaha ŭzroŭniu.
Za čas pracy ŭ mužčynskim futbole jana nie raz traplała ŭ centry seksisckich skandałaŭ i prosta niazručnych epizodaŭ. U adnym z matčaŭ hulec «Hierty» Pieter Nimajer ŭmudryŭsia abłapać jaje hrudzi, paśla jaje fryvolna pryabniaŭ tahačasny trenier «Bavaryi» Piep Hvardyjoła. Futbalist Kierem Demirbaj, jakoha Štajnchaus vydaliła z pola, zajaviŭ, što žančynam-arbitram nie miesca ŭ futbole. Niamiecki futbolny sajuz nie pahadziŭsia z hulcom i dyskvalifikavaŭ jaho na piać matčaŭ, zaadno aštrafavaŭšy na 10 tysiač jeŭra.
«Nadyšoŭ čas žančyn-arbitraŭ, tamu što poł futbolnaha arbitra nie maje značeńnia», — zajaviŭ Jurhien Kłop paśla adnaho z matčaŭ «Majnca», jaki sudziła Štajnchaŭs. A ŭ Iranie pry pakazie matču «Bavaryi» z «Kiolnam» Bibijanu Štajnchaus z tranślacyi vyrazali.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
Rejčał Andersan: futbolny ahient, jakoj daviałosia adstojvać prava zajmacca futbołam praz sud
U vialikim biznesie z šmatmiljardnym abarotam, jakim staŭ sučasny futboł, ahienty, što viaduć spravy hulcoŭ i trenieraŭ, pieratvarylisia ŭ vielmi ŭpłyvovuju kastu. Žančynam uvachod u jaje, jak ni dziŭna, adkryŭsia paraŭnalna rana, i čałavieka, jakomu varta padziakavać za heta, zavuć Rejčał Andersan.
U pačatku 90-ch hadoŭ Rejčał arhanizavała pierachod abaroncy «Vest Chema» Džulijana Dziksa ŭ «Livierpul» za 3 miljony funtaŭ, ustalavaŭšy novy rekord anhlijskaj premjer-lihi.
Adnak u 1997 hodzie zdaryŭsia kazus, kali Rejčał nie puścili na štohadovuju cyrymoniju anhlijskaj Futbolnaj asacyjacyi: arhanizacyja, jakaja sama ž dasłała zaprašeńnie Andersan, zabyłasia abviaścić pra jaje ab tym, što praviły zabaraniajuć žančynam naviedvać pasiedžańni FA. Praz dva hady Rejčał praz sud damahłasia admieny dyskryminacyjnaj praktyki.
«Futbołu treba bolš žančyn, — ličyć jana. — Siarod nas šmat sapraŭdnych prafiesijanałaŭ. Nie abaviazkova viedać uvieś advarotny bok hulni — nieabchodna raźbiracca ŭ pieramovach i ŭmieć znachodzić ahulnuju movu ź ludźmi. I ŭ mianie heta vydatna atrymlivajecca».
A jak u nas?
U Biełaruskaj fiederacyi futboła nazvali imiony piaci žančyn, jakija zajmajuć peŭnyja pasady ŭ biełaruskim futbole.
Volha Ciareška, sudździa pieršaj lihi, refiery FIFA.
Volha stała sudździoj u 20 hadoŭ, absłuhoŭvaje futbolnyja matčy pieršaj i druhoj lihi Biełarusi, a taksama ŭsie spabornictvy ranham nižej užo vosiem hadoŭ. Sudziła pačatkovyja tury Lihi čempijonaŭ.
Jak i mnohija jaje kalažanki, Volha pačynała z žanočaha futboła, jaki vymušana była pakinuć praz traŭmu.
U čas, kali Volha nie zaniataja ŭ futbolnych batalijach, pracuje nastaŭnicaj fizkultury ŭ maładziečanskaj himnazii № 6.
Iryna Bułyhina, trenier, siabra vykankama ABFF.
Irynie Bułyhinaj 51 hod, jana pracuje hałoŭnym trenieram dziavočaj zbornaj pa futbole.
Dyjana Tropnikava — trenier pa navukova-mietadyčnaj rabocie FK «Dynama-Minsk».
Praca Dyjany zaklučajecca ŭ tym, kab kantralavać funkcyjanalny stan futbalistaŭ, ich fizičnuju padrychtavanaść.
Akramia taho, Dyjana — najlepšaja bambardzirka kamandy «Zorka-BDU» — 147 hałoŭ. Vykładčyca ŭ BDUFK.
Taćciana Łaviec — byłaja baskietbalistka, ciapier trenier pa fizičnaj padrychtoŭcy. Taćciana pracuje ŭ vyšejšym dyvizijonie krainy, dapamahała futbolnamu kłubu «Minsk». Pa słovach pres-sakratara ABFF Alaksandra Alejnika, ciapier Taćciana pierajšła pracavać u FK «Dynama-Brest».
U jaje abaviazki ŭvachodzić nie tolki pryviadzieńnie hulcoŭ u aptymalnyja kandycyi, ale i adnaŭleńnie paśla najskładanych traŭmaŭ.
Taćcianu ŭ spartyŭnych kołach nazyvajuć «Taćciana-zabojca» za jaje žorstkaść i patrabavalnaść.
Alena Karaś — pamočnik arbitra.
Zakryvaje naš śpis žančyn u biełaruskim futbole Alena Karaś. Jaje ŭ jakaści pamočnika arbitra možna ŭbačyć na matčach pieršaj lihi.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki31
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1717
Kamientary