Zdareńnie adbyłosia ŭ sieradu ŭ 11:10 kala «Arena-Sici» ŭ Minsku. Maładaja mama patelefavała ŭ MNS, što vypadkova začyniła dźviery aŭtamabila, paśla čaho spracavaŭ centralny zamok. U mašynie było niemaŭla, paviedamlaje 112.by.
Supracoŭniki MNS prapanavali dziaŭčynie raźbić akno. Jana vyrašyła skarystacca płatnymi pasłuhami słužby pa adkryćci zamkoŭ. Adnak śpiecyjalisty z pracaj nie spravilisia, i vyratavalnikam ŭsio ž pryjšłosia raźbić škło aŭtamabila. Dzicia ŭ vyniku zdareńnia nie paciarpieła.
MNS nahadvaje ab niedapuščalnaści pakidańnia dziaciej biez nahladu, u tym liku ŭ aŭtamabili. «U śpioku ŭsiaho za paŭhadziny znachodžańnia aŭto na soncy tempieratura ŭ sałonie pavyšajecca da +50—55 hradusaŭ, za hadzinu pavietra vyhravajecca da +70. Vynikam znachodžańnia dziciaci ŭ aŭtamabili mohuć być strašnyja nastupstvy: abiazvodžvańnie arhanizma, pierahreŭ mozhu, śmierć. Ni ŭ jakim razie nielha pakidać dzicia ŭ aŭtamabili, navat kali toje śpić, treba brać jaho z saboj.
Kamientary