U 2025 hodzie paśla vizitu amierykanskich dypłamataŭ u Minsk na volu vyjšli niekalki hrup biełaruskich palitviaźniaŭ. Pry praviercy pa servisach MUS vyśvietliłasia, što ŭ niekatorych ź ich biełaruskija pašparty stali niesapraŭdnymi.
U mnohich ludziej, jakich vyzvalili padčas abmienu ŭ vieraśni i śniežni i jakim addali ich dakumienty, biełaruskija pašparty pakazanyja ŭ sistemie MUS jak «niesapraŭdnyja». Voś jak heta vyhladaje:
Heta značyć, što ich anulavali.
Što heta źmianiaje na praktycy
Ciapier biełaruski pašpart niemahčyma vykarystać ni dla identyfikacyi ŭ polskich bankach, ni dla zaklučeńnia damovaŭ, ni dla pierasiačeńnia miažy. Da taho ž, usie biełaruskija rachunki i inšyja akaŭnty, zaviazanyja na pašpart (je-pasłuha, sim-karty i h.d.) aŭtamatyčna buduć zabłakavanyja.
Pakul idzie razhlad zajavy na biežanstva ci na humanitarny dazvoł na žycharstva, čałaviek nie maje na rukach jeŭrapiejskaha prajaznoha dakumienta. Anulavańnie biełaruskaha pašparta aznačaje, što źviestki pra jaho niesapraŭdnaść ź vialikaj imaviernaściu ŭžo pieradadzienyja ŭ mižnarodnyja bazy, takija jak baza skradzienych i zhublenych dakumientaŭ Interpoła (SLTD).
Heta robić niemahčymym pierasiačeńnie miežaŭ navat unutry Šenhienskaj zony, kali ŭ čałavieka ŭžo jość viza ci inšy sposab lehalizacyi ŭ ES.
Paŭnavartasna padarožničać vyzvalenyja zmohuć tolki paśla taho, jak polskija ci litoŭskija ŭłady zadavolać ich zajavy i vydaduć Ženieŭskija pašparty ci prajaznyja dakumienty inšaziemca (u vypadku, kali zamiest biežanstva jany atrymajuć dadatkovuju abaronu ci humanitarny dazvoł na žycharstva).
Akramia taho, kali raniej u ich była mahčymaść padarožničać u krainy, u jakija nie patrebnaja viza ź biełaruskim pašpartam, to ciapier heta stanie niemahčyma.
Bolš za toje, tolki z Ženieŭskim pašpartam ci prajaznym dakumientam inšaziemca vielmi składana naviedać krainy, jakija nie padpisali kanviencyju ab biežancach 1951 hoda, naprykład, krainy Piersidskaha zaliva (AAE, Katar i inšyja) i niekatoryja krainy Azii (Indyja, Vjetnam, Indaniezija, Tajłand, Małazija, Manholija). Prablemaj mohuć stać i rejsy ź pierasadkami ŭ hetych krainach.
Ci pazbaŭlenyja vyzvalenyja palitviaźni hramadzianstva?
Nie. Možna było b padumać, što niesapraŭdny pašpart aŭtamatyčna aznačaje stratu hramadzianstva, ale heta zusim roznyja rečy.
Navat pavodle represiŭnych pravak 2023 hoda ŭ zakon «Ab hramadzianstvie», kab pazbavić hramadzianstva biełarusa pa naradžeńni, patrebny zavočny prysud i fakt «uchileńnia ad vykanańnia pakarańnia» za miažoj. Palitviaźni pad hetyja krytery nie traplajuć: ich sudzili vočna, jany fizična znachodzilisia ŭ źniavoleńni i byli vyzvalenyja ŭładami.
«Naša Niva» — bastyjon biełaruščyny
PADTRYMAĆ«Chto-niebudź u kursie, što heta značyć?» U punkcie propusku «Tarespal» pamiežnik pierakreśliŭ štamp u biełaruskim pašparcie
«Heta prosta cud, što ja palacieła». Pasažyrka samalota z Dubaja stała na bok biełarusaŭ, jakija prosiać kampiensacyju ad apieratara
Jašče adna apłatnaja sistema stała błakavać biełarusaŭ
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
no mienia biesit jevropiejskaja "poddieržka" bolšie na słovach, čiem na diele.
osvoboždiennyje ždut choť kakije-to doki po 2-3-4 miesiaca. chotia etot vopros riešajem za niedielu. eto nie tysiači biežienciev s nieponiatnym prošłym i biekhraundom. eto sovieršienno poniatnyje ludi. priniať riešienije o vydačie možno v tiečienije sutok, a niediela na čisto tiechničieskoje izhotovlenije..
no niet.. oni muryžat dołho i nudno každoho.
vot takaja vot słavnaja "solidarnosť". vy ili tohda mołčitie, ili jeśli zajavlajetie poddieržku, to pokazyvajtie jejo chotiaby po dokumientam..