U Polščy nakryli padpolnuju tytuniovuju fabryku. Zatrymanyja dziesiać biełarusaŭ
Polskija pamiežniki i mytniki vykryli mižnarodnuju złačynnuju hrupu, jakaja zajmałasia padpolnaj vytvorčaściu tytuniovych vyrabaŭ. Jana dziejničała ŭ Pamorskim i Mazavieckim vajavodstvach. Z 12 zatrymanych dziesiać — hramadzianie Biełarusi, paviedamlaje Most sa spasyłkaj na Pamiežnuju słužbu.
U Pamorskim vajavodstvie pamiežniki vyjavili vytvorčuju liniju dla vyrabu i suški tytuniu, a taksama dla vytvorčaści i ŭpakoŭki cyharet. Na miescy kanfiskavali amal 4,1 młn štuk kantrafaktnych cyharet roznych marak, bolš za 4,7 tony tytuniovaj rezki, a taksama amal 12,1 tony sušanaj tytuniovaj syraviny.
Košt kanfiskavanych tavaraŭ aceńvajecca bolš čym u 9 młn złotych (kala 2 młn dalaraŭ). Kali b tavar trapiŭ na rynak, biudžet straciŭ by nie mienš za 25,2 młn złotych (5 młn dalaraŭ) u vyhladzie niavypłačanych akcyzaŭ.
Taksama pieratrus prajšoŭ na składzie ŭ Mazavieckim vajavodstvie. Tam kanfiskavali filtry i abhortki dla cyharet.
U chodzie rasśledavańnia apieratyŭniki zatrymali 12 členaŭ arhanizavanaj złačynnaj hrupy, u tym liku dziesiać hramadzian Biełarusi, adnaho hramadzianina Łatvii i adnaho palaka. Usie jany ŭziaty pad vartu terminam na try miesiacy.
Spravu viadzie Akruhovaja prakuratura ŭ Hdańsku.
Ciapier čytajuć
«Usie hundzieli, burčeli». Łukašenka raskazaŭ, što ŭ vojsku byli niezadavolenyja, što navučać ich zaprasili vahnieraŭcaŭ4
Kamientary
Kstati, na Mostie značitielnoje padienije trafika v sravnienii s priedyduŝimi pieriodami, choť vy jemu riehularno pomohajetie i stavitie ssyłki na publikacii etoho izdanija.