Nadoječy viarchoŭny sud Francyi vypuściŭ pastanovu na karyść zdarovaha sensu i adprečyŭ prośbu advakataŭ Nikala Sarkazi zabaranić prodaž lalek vudu ŭ vobrazie francuskaha prezydenta.
Na dumku advakataŭ, Sarkazi, jak i kožny inšy hramadzianin, maje prava abaranić svoj honar i vobraz. I heta suprać mierkavańnia vytvorca lalki, vydaŭca Žana-Frasua Kavalski, jaki davodzić, što humar — nieadjemnaja častka svabody słova. Sudździ vynieśli pastanovu na karyść vytvorca, zaśviedčyŭšy, što lalka — «humarystyčnaja i satyryčnaja». U svajoj pastanovie sudździ zrabili zaŭvahu, što «prakołvańnie lalek, jakija majuć padabienstva z realnymi ludźmi, — drenny hust, ale razam z tym, funkcyjaj suda nia jość sudzić, što źjaŭlajecca dobrym hustam, a što — drennym».
Vytvorca lalki niezadavoleny samim faktam skarhi z boku Sarkazi: «Dyk jašče ŭ 2006 hodzie budučy prezydent abviaściŭ, što «lepiej jašče adna karykatura, čym jašče adna cenzura» ».
«Vudu-kamplekt ź Nikala Sarkazi» kaštuje blizu 13 eŭra i akramia samoj fihurki ŭ im jość 20 špilek i brašura-instrukcyja, jakaja tłumačyć, jak pravilna prakołvać lalku.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary