Internet rahoča z «vadarodnaj vady», jakuju prarekłamavała Sabčak. Što heta takoje?
Nie paśpieli my adśmiajacca z cyrkonijevych branzaletaŭ, kramloŭskich tabletak, słaniečnikavaha aleju biez chalesterynu, soli, sody i navat tualetnaj papiery biez HMA, jak łabaratoryi cudaŭ vydali navinku ŭ vyhladzie «vadarodnaj vady».
Hety pradukt prarekłamavała były kandydat u prezidenty Rasii Ksienija Sabčak, čym vyklikała rohat internet-karystalnikaŭ.
Nu dy ładna śvieckaja lvica, ale ad hlancavaha VOGUE, jaki prapanuje «…zamachnucca na chatniuju ŭstanoŭku pa ŭzbahačeńni vady vadarodam…. Jana, praŭda, kaštuje 4 tysiačy jeŭra, ale ž pracuje jašče i jak filtr dla vodapravodnaj vady…», nie čakali.
Za što tady hatovyja płacić naiŭnyja pakupniki, akramia filtra dla vodapravodnaj vady? Afierysty, jak zaŭsiody, abiacajuć viečnuju maładość i mocnaje zdaroŭje, praŭda, nie adrazu, a tolki praź miesiac užyvańnia nie mienš jak litra «vadarodnaj vady» na dzień, nie zabyŭšysia spasłacca na «aŭtarytetaŭ», jakija prosta dychajuć zdaroŭjem.
My nie staniem asprečvać najaŭnaść / adsutnaść vadarodu ŭ hetym cudoŭnym napoi. Całkam mahčyma, što sapraŭdy, elektrolizam damahajucca hazavańnia vady vadarodam. Treba adznačyć, što rastvaralnaść vadarodu ŭ vadzie vielmi nizkaja, a značyć, i kancentracyja jaho mizernaja (maksimum — kala 2 abjomnych %). Nie budziem asprečvać i mahčymaść trapleńnia niekatoraj kolkaści hetaha vadarodu ŭ kroŭ.
Ale davajcie ŭspomnim: vadarod — dosyć inertnaje rečyva, jakoje nie ŭstupaje ni ŭ jakija chimičnyja reakcyi pry tempieratury čałaviečaha cieła ŭ asiarodździ našych arhanizmaŭ.
Pry tempieratury da 42°S vadarod ustupaje ŭ reakcyju tolki z ftoram i niekatorymi ščołačnaziamielnymi mietałami, jakich u čystym vyhladzie ŭ našych arhanizmach niama, nie było i nie budzie, bo jany prosta prapalać cieła naskroź.
Pa toj ža pryčynie vadarod nie zasvojvajecca arhanizmam i, u adroźnieńnie ad kisłarodu, absalutna biasškodny, ale i karyści ad jaho nijakaj.
Nasycić kroŭ vadarodam značna praściej, zrabiŭšy paru ŭdychaŭ. Pry hetym vy atrymajecie dadatkovy bonus u vyhladzie «pisklavaha hołasu». Tolki trymajciesia padalej ad adkrytaha ahniu, bo vadarod u sumiesi z pavietram vybuchaniebiaśpiečny. I ŭžo, jasnaja sprava, nie kurycie.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary