Eks-čynoŭnik Minharvykankama ŭ sudzie nie zmoh uspomnić, jak kupiŭ braniravany «Miersedes»
U čaćvier u Minskim abłasnym sudzie pačaŭsia dopyt abvinavačanych pa spravie eks-načalnika Hałoŭnaha ŭpraŭleńnia spažyvieckaha rynku Minharvykankama Siarhieja Barysieviča, piša tut.by.
Sam Barysievič na hetaj stadyi ad pakazańniaŭ admoviŭsia. Dziaržabvinavaŭca abviaściŭ pakazańni eks-načalnika HUSR, dadzienyja na stadyi papiaredniaha śledstva.
Pieršy epizod - abvinavačvańnie ŭ atrymańni chabaraŭ ad kiraŭnika AAT «Žyvinka» Siarhieja Biarezinskaha i eks-kalehi Barysieviča Lisoŭskaj, jakuju pracaŭładkavali dyrektaram kramy № 5 «Žyvinka». Suma chabaraŭ, pavodle śledstva, 21 tysiača rubloŭ.
Barysievič padčas dopytu admaŭlaŭ pryjom hrošaj ad Biarezinskaha i Lisoŭskaj, siońnia jon zajaviŭ, što častkova vinu pryznaje. Admaŭlaŭ Barysievič na dopycie i pieradaču Lisoŭskaj hrošaj na pakryćcio niastačy ŭ pamiery 1 młrd niedenaminavanych rubloŭ, vyjaŭlenaj u 2015 hodzie. Na nastupnym dopycie jon zajaviŭ, što hrošy ŭsio-tki pieradavaŭ - ale havorka išła pra toje, što jon pazyčyŭ Lisoŭskaj 20 tys. dalaraŭ na pakryćcio niastačy.
Barysievič na dopytach taksama admaŭlaŭ atrymańnie chabaraŭ ad usich dyrektaraŭ kambinataŭ školnaha charčavańnia. Siońnia jon paćvierdziŭ hetyja pakazańni častkova.
Na bolšaść pytańniaŭ ab pryznačeńniach, zvalnieńniach śpiecyjalistaŭ čynoŭnik adkazvaje, što nie pamiataje.
Nie ŭspomniŭ Barysieviča i pra abstaviny nabyćcia braniravanaha Mercedes-Benz 600, jaki jon kuplaŭ supolna z hramadzianinam Alaksandram Kasoŭskim.
Na pytańnie, za jakija hrošy kupiŭ dva aŭtamabili (Mitsubishi Pajero i Mercedes-Benz ML 350), kvateru na praśpiekcie Pieramožcaŭ, matacykł Harley Davidson, Barysievič rastłumačyŭ, što kvatera nabytaja ŭ kredyt, adnu mašynu nabyŭ cieść, na druhuju jon naźbiraŭ sam, a matacykł naležyć žoncy siabra.
Nie ŭspomniŭ Barysievič na dopycie i svaje zadačy i abaviazki jak kiraŭnika HUSR.
Jak raniej paviedamlałasia, Minski abłasny sud pačaŭ razhladać kryminalnuju spravu ŭ dačynieńni da Siarhieja Barysieviča, jakoha abvinavačvajuć u karupcyi, 30 lipienia.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary