Fota AP/Tsvangirayi Mukwazhi
Na pieršych za amal 40 hadoŭ vybarach u Zimbabve, u jakich nie braŭ udzieł Robiert Muhabe, pieramoh były kiraŭnik śpiecsłužbaŭ Emiersan Mnanhahva. Apazicyja admoviłasia pryznać abvieščanyja CVK vyniki, pieradaje RBK.
U Zimbabve abviaścili papiarednija vyniki prezidenckich i parłamienckich vybaraŭ, jakija prajšli ŭ paniadziełak, 30 lipienia. Hałoŭnymi supiernikami ŭ baraćbie za pasadu kiraŭnika dziaržavy byli lidary partyj «Afrykanski nacyjanalny sajuz Zimbabve — Patryjatyčny front» (ZANU-PF) i apazicyjnaha «Ruchu za demakratyčnyja pieramieny» (MDC) — Emiersan Mnanhahva i Nelsan Čamisa. Mnanhahva ŭ vyniku atrymaŭ 50,8% hałasoŭ, a Čamisa — 44,3%.
Nahadajem, što raniej lidar apazicyi Čamisa zajaviŭ pra pieramohu na prezidenckich vybarach. Jaho padtrymlivaŭ były dyktatar krainy Robiert Muhabe.
Abviaščeńnie vynikaŭ prezidenckaha hałasavańnia niekalki razoŭ adkładałasia. Apazicyjaniery źviazali takuju zatrymku sa sprobami paŭpłyvać na vyniki vybaraŭ, u jakich, pa pierakanańni Čamisy, jon atrymaŭ pieramohu.
Adrazu paśla abviaščeńnia vynikaŭ vybaraŭ apazicyja zajaviła, što admaŭlajecca pryznavać ich. Adnačasova jaje pradstaŭniki byli vydalenyja palicyjaj z CVK.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary