«Niazyhar»: 21 vieraśnia Łukašenka nazavie Pucinu imia svajho pierajemnika
Ananimny rasijski telehram-kanał «Niazyhar» paradavaŭ novym «šykoŭnym insajdam» pa biełaruskim pytańni.
«21 vieraśnia Łukašenku čakajuć u Sočy. Zapłanavana sustreča Łukašenki i Uładzimira Pucina z udziełam premjer-ministraŭ i vice-premjeraŭ dźviuch krain.
Jak kažuć, Łukašenku dali čas padumać i jon pavinien budzie paviedamić Pucinu imia svajho pierajemnika. Dalejšaje jaho znachodžańnie jak i praciah siamiejnaj dynastyi adchilili», — adznačaje «Niazyhar».
Užo niekalki miesiacaŭ telehram-kanał «Niazyhar», jaki maje 175 tysiač padpisčykaŭ, viadzie infarmacyjnuju ataku na biełaruskija ŭłady, a taksama niezaležnaje hramadstva. Kali pieršyja «źlivy» jašče zdavalisia praŭdapadobnymi, to nastupnyja zdajucca ŭsio bolej z žanru «fentezi».
Mienavita «Niazyhar» infarmavaŭ pra «insult» Łukašenki, a taksama pra toje, što Rumas choča całkam vykaranić ruskuju movu z pracy ŭrada. Čytajučy takija «insajdy», tolki i chočacca, što pakrucić palcam la skroni.
Kamientary