17 vieraśnia ŭ sudzie Vietkaŭskaha rajona vynieśli prysud pa fakcie razbojnaha napadu na piensijanierku ŭ Śviaciłavičach, paviedamlaje UUS Homielskaha abłvykankama.
Pierad sudom paŭstali čatyry čałavieki: try mužčyny i adna žančyna. Babula, jakaja stała achviaraj, da suda nie dažyła. Zamiest jaje na sudzie prysutničała jaje stryječnaja siastra.
Letaś u listapadzie rasijanie pryjechali ŭ Śviaciłavičy na mašynie, jakuju niadaŭna kupili. Tam jany trapili ŭ chatu miascovaj žycharki, źbili jaje, źviazali skotčam, zabrali 500 rubloŭ i schavalisia. Mašynu kinuli ŭ lesie, a potym na inšym aŭto źjechali spačatku ŭ Homiel, a zatym za miežy Biełarusi.
Akramia artykuła za razboj, napadnikaŭ abvinavačvali ŭ pakidańni achviary ŭ niebiaśpiecy. Pažyłaja žančyna praviała cełuju noč źviazanaj, pakul jaje nie znajšła susiedka. Tempieratura pavietra tady była ŭsiaho kala +7°S.
Śledčyja vyśvietlili, što napadnikaŭ było čaćviora, ź ich troje byli hramadzianami Rasii. Ich zatrymlivali z AMAPam.
Dvuch hramadzian Rasii prysudzili da 9 hadoŭ kałonii. Žančynu-rasijanku i biełarusa pryznali vinavatymi ŭ chaŭruśnictvie. Ich prysudzili da 2 i 2,5 hoda pazbaŭleńnia voli.
Kamientary