U Biełarusi pražyvajuć 396 čałaviek, jakim bolš za 100 hadoŭ, — bolšaść ź ich žančyny, paviedamiŭ siońnia žurnalistam namieśnik ministra pracy i sacyjalnaj abarony Alaksandr Rumak, pieradaje BiełTA.
«Pa stanie na 1 lipienia ŭ Biełarusi pražyvali 396 čałaviek viekam za 100 hadoŭ, u tym liku 41 mužčyna i 355 žančyn.
Pa mižnarodnych kryteryjach nasielnictva ličycca starym, kali dola ludziej va ŭzroście 65 hadoŭ i bolš składaje 7% i bolš. U Biełarusi hety pakazčyk składaje 14,9%. Udzielnaja vaha pažyłych siarod nasielnictva Biełarusi 25,1%.
U sielskaj miascovaści hetaj pakazčyk vyšejšy — 32%, u haradach — 23,1%. Pry hetym na 1 tys. mužčyn starejšych za pracazdolny ŭzrost u Biełarusi prychodzicca 2,4 tys. žančyn», — raspavioŭ Alaksandr Rumak.
Pavodle jaho słoŭ, na pačatak hoda ŭ Biełarusi pražyvali 2 młn 377 tys. čałaviek, starejšych za pracazdolny ŭzrost, u ich liku 696 tys. mužčyn i 1 młn 681 tys. žančyn.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary