Śviatočny zvarot Michała Aniempadystava z nahody kancertaŭ «Narodnaha albomu».
Dla nas, udzielnikaŭ prajektu, niezaležna ad miesca i času praviadzieńnia kancertaŭ, «Narodny albom»— zaŭsiody śviata.
Majem nadzieju, što 2 i 3 śniežnia 2008 hodu zrobicca śviatam hetaksama dla ŭsich tych, chto pryjdzie na naš kancert.
Pakolki ŭ biełaruskaj tradycyi śviatkavańni doŭžacca nie adzin dzień, a dva (prykłady — viasielle, Božaje Naradžeńnie, Novy hod i pravodziny ŭ vojska), dyk my taksama namyślili zrabić dva dni kancertaŭ.
Razam z tym chočacca zaŭvažyć, što z nastupnaha hodu ŭdzielniki «Narodnaha albomu» majuć namiery adyścisia ad zaviadzionki i hraćmuć «Narodny albom» try dni zapar. Abo čatyry. Nie vyklučana, što i piać. (I ŭzory dla pierajmańnia jość — judei śviatkujuć Chanuku vosiem dzion, a musulmanie śviata Ramazan — ažno 30).
Spadziajemsia, što hetymi śniežańskimi kancertami my ŭzdymiem Vaš śviatočny nastroj i raspačniem u Vašych sercach kaladna-navahodni rozruch.
Čakajem Vas u nas na «Albomie»,
Z pavahaj,
Michał Aniempadystaŭ
Štohadovaja zimovaja sustreča z prajektam "Narodny albom" projdzie 2 i 3 śniežnia ŭ Małoj zali KZ «Miensk» (vuł.Kastryčnickaja, 5). Pačatak u 19.00. Kancerty prachodziać u ramkach kampanii "Budźma!"
Daviedki pa t.: (029) 254-49-09, (029) 671-58-65
Kamientary