69-hadovaha mužčynu zatrymali ŭ Žodzinie. Jon zabiŭ svaju byłuju žonku małatkom i nažom.
Padrabiaznaści ahučyŭ Śledčy kamitet.
Adbyłosia ŭsio jašče letam. Miascovyja žychary vyklikali milicyju, bo pačuli žanočyja kryki. Ale kali pravaachoŭniki pryjechali na miesca, to ŭ kvatery było ŭžo cicha.
Dźviery vyrašyli ŭskryć. U kvatery byŭ mužčyna — jon spakojna lažaŭ na kanapie i hladzieŭ televizar. A na bałkonie lažała cieła jaho byłoj žonki sa šmatlikimi traŭmami.
Rasśledavańnie vyznačyła, što niahledziačy na razvod, para žyła razam šmat hadoŭ. Napiaredadni ranicaj žančyna viarnułasia ź lecišča, i pamiž joj i eks-mužam adbyŭsia kanflikt z-za hrošaj.
Pjany mužčyna staŭ pradjaŭlać pretenzii z nahody taho, što byłaja žonka zabrała častku hrošaj, pieradadzienych jamu dačkoj. U vyniku svarki mužčyna schapiŭ małatok i niekalki razoŭ udaryŭ žančynu pa hałavie. Jana vybiehła na bałkon i pačała kryčać. Tady mužčyna ŭziaŭ nož i nanios joj nie mienš za 16 udaraŭ nažom u žyćciova-važnyja orhany. Ad ranieńniaŭ žančyna pamierła na miescy.
Ciapier los mužčyny vyrašyć sud.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary