Na naradzie 20 śniežnia kiraŭnik Biełarusi zajaviŭ, što ŭ Minsku treba bolš aktyŭna raźvivać sistemu manitorynhu hramadskaj biaśpieki z metaj maksimalna aŭtamatyzavać kantrol za spakojem na vulicach i «nie trymać tam lišnich supracoŭnikaŭ». Pavodle Alaksandra Łukašenki, turysty charaktaryzujuć biełaruskuju stalicu jak biaśpiečnuju, a sami minčuki viedajuć, što ŭ luby čas mohuć spakojna hulać, viartacca dadomu z pracy ci vučoby.
Ale, na dumku Łukašenki, važna pierachodzić da bolš sučasnych formaŭ harantavańnia biaśpieki. Kolkaść zarehistravanych złačynstvaŭ u Minsku za apošnija hady źniziłasia amal udvaja, ale «važnaja nie rehistracyja, a ich realnaje skaračeńnie», zajaviŭ jon.
Taksama jon zaklikaŭ ułady pravodzić bolš vuličnych vidoviščaŭ — «bolš aktyŭna vychodzić za ścieny teatraŭ, kancertnych załaŭ i stadyjonaŭ»:
— Ludziam spadabalisia, naprykład, muzyčnyja i kulturnyja viečary na płoščy Svabody. Heta treba raźvivać. Tbilisi, Lvoŭ na džazie stvaryli sabie novy tvar, prymusili kazać pra ich u śviecie i pryciahnuli sotni tysiač turystaŭ. Davajcie, — cytuje kiraŭnika dziaržavy jaho pres-słužba.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj41
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary