Dakładniej jaho adsutnaść. Kidalniki mołatu, eks-pryziory Piekinskaj Alimpijady Vadzim Dzieviatoŭski i Ivan Cichan patłumačyli pieravyšeńnie testasteronu ŭ arhaniźmie tym, što jany doŭhi čas ustrymlivalisia ad seksu.
Biełaruskija kidalniki mołatu Vadzim Dzieviatoŭski i Ivan Cichan patłumačyli pavyšanaje ŭtrymańnie testasteronu ŭ arhaniźmie, doŭhim ustrymańniem ad seksu,paviedamlaje Priessboł sa spasyłkaj na ahientcva spartovych navin «Vieś sport».
Abodva atlety napisali ŭ svaich tłumačalnych zapiskach, što dva miesiacy da Alimpijady nie zajmalisia seksam, a Cichan taksama zajaviŭ, što siadzieŭ na śpiecyjalnyj dyjecie z morapraduktaŭ i «hanadaŭ bujnoj rahataj žyvioły mužčynskaha połu».
Hanady — heta pałavyja załozy, orhany, jakija ŭtvarajuć pałavyja kletki ŭ žyvioł i čałavieka.
***
Nahadajem, što ŭčora biełaruskija pryziory Alimpijady‑2008 u kidańni mołatu Vadzim Dzieviatoŭski i Ivan Cichan rašeńniem Mižnarodnaha alimpijskaha kamiteta byli pazbaŭlenyja svaich uznaharod.
Dzieviatoŭski, što zaniaŭ 2‑ie miesca, pažyćciova adłučany ad sportu, bo heta ŭžo druhi vypadak u jaho karjery, kali spartoŭca zaśpieli na dopinhu.
Cichan pakarany dvuchhadovaj dyskvalifikacyjaj.
Dopinh‑sproby, što byli ŭziatyja pa skančeńni alimpijskich spabornictvaŭ u Piekinie, pakazali, što ŭ kryvi małatabojcaŭ značna pieravyšany ŭzrovień testasteronu (infarmacyja pra heta była abnarodavana 3 vieraśnia).
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary