Pres-sakratarka Łukašenki Natalla Ejsmant u efiry viačerniaha šou «Makajonka, 9» na telekanale «Biełaruś 1» raspaviała pra asablivaści padrychtoŭki navahodniaha zvarotu kiraŭnika dziaržavy. Ejsmant skazała, što zvarot Łukašenki jašče nie zapisany.
«Dla mianie asabista zapis navahodniaha zvarotu prezidenta — heta, napeŭna, adno z samych składanych mierapryjemstvaŭ u hodzie, vielmi adkaznaje. Vy razumiejecie — achop stoadsotkavy, uvaha krainy stoadsotkavaja, tamu adkaznaść vielizarnaja», — padkreśliła Natalla Ejsmant.
Pavodle jaje słoŭ, stanam na 29 śniežnia navahodni zvarot Łukašenki nie zapisany, praca nad im jašče praciahvajecca. Płanujecca, što jon budzie zapisvacca 30 śniežnia.
«My ŭ administracyi prezidenta našaj rabočaj hrupaj pierapisvali jaho ŭžo, napeŭna, razoŭ piać. Na hety momant jon znachodzicca ŭ kiraŭnika dziaržavy. Kiraŭnik dziaržavy, biezumoŭna, jaho taksama hłyboka analizuje», — zaŭvažyła pres-sakratarka.
Kamientary