Pastaŭski małočny zavod patłumačyŭ, čamu piša haniebnuju «Biełoruśsiju» na svaich pačkach
Karystalnica tvitara apublikavała fota ŭpakoŭki masła ad Pastaŭskaha zavoda, dzie napisana «sdiełano v Biełoruśsii». I pakul kamientatary abmiarkoŭvali, ci nie fejk heta, adzin biełarus dabiŭsia tłumačeńniaŭ ad zavoda.
U tvitary zavirusiłasia fota ŭpakoŭki masła, jakoje zapościła karystalnica pad nikam Lozanna_na_Obi. Na abhortcy napisana «Sdiełano v Biełoruśsii».
Žančyna, jakaja heta apublikavała, sama ździviłasia znachodcy:
«Znajšła ŭ chaładzilniku biełaruskaje masła, i vy nie pavierycie…».
Kamientatary joj nasamreč nie pavieryli. Žančyna ŭdakładniła, što jana sama zaŭždy vykarystoŭvaje słova «Biełaruś», a nie «Biełoruśsija», prosta jaje ździviła, što biełaruski zavod sam vykarystaŭ słova «Biełoruśsija».
Ale ž jaje zapeŭnivali, što biełaruskaje masła ŭ takoj upakoŭcy być nie moža:
«Zroblena ŭ myciščanskim haražy».
«U RB niama takoha masła. Čarhovy kantrafakt, zrobleny ŭ padvale».
«Tolki ruskija mohuć napisać takoje na maśle».
Tym nie mienš masła nasamreč akazałasia biełaruskim. Karystalnik pad nikam le_xeyka napisaŭ u Pastaŭski małočny zavod i spytaŭ, ci toje masła vyrablenaje ŭ Pastavach. I na zavodzie pryznali svaju pradukcyju.
Biełarusu patłumačyli, što masła vyrablenaje pa zamovie rasijskaj sietki handlovych kram «Manietka» jak ułasny brend toj sietki:
«Na ŭpakoŭcy nadpis maje miesca być, heta nie zabaroniena ničym i nikim, chacia asabista nam heta słych reža vielmi. Ale, jak kažuć, chto płacić, toj i zamaŭlaje muzyku. Mienavita taki nadpis — heta patrabavańnie zamoŭcy».
Na zavodzie taksama ŭdakładnili, što supracoŭničajuć z «Manietkaj» užo bolš za 10 hadoŭ. Usio hrafičnaje rašeńnie ŭpakoŭki naležyć zamoŭcy, to-bok rasijanie — aŭtary ŭsiaho dyzajnu toj abhortki.
«Naša Niva» — bastyjon biełaruščyny
PADTRYMAĆPraŭładnaja śpiavačka praśpiavała na chakiejnym matčy «Biełoruśsija» — i atrymała zasłužanuju tonu chiejtu
«Kali nazvaŭ canu za kvateru nie ŭ dalarach». Biełarusy pościać miemy pra toje, jakija drobiazi vydajuć niesapraŭdnych biełarusaŭ
Linhvist raskazaŭ rasijskaj aŭdytoryi pra mientalnaść biełarusaŭ z dapamohaj dvanaccaci słoŭ. Nie ŭsie ź ich litaraturnyja
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary
Zroblena ŭ Zachodniaj Rasii, Paŭnočna-Zachodnim krai ci ŭ Viciebskaj huberni Rasiejskaj imperyi?