Vydatna pracuje! Top-10 najlepšych rekłamnych śpiecprajektaŭ «NN» za 2018 hod
Zirnicie, jakija kłasnyja rekłamnyja prajekty «Naša Niva» zrabiła za 2018 hod.
Jak źmianiŭsia biełaruski piejzaž za 150 hadoŭ: adnaŭlajem miaściny Napaleona Ordy pry dapamozie 4G
![](http://nashaniva.com/img/w732d4webp1/photos/z_2019_01/001-tcr71.jpg.webp)
Naš pieršy interaktyŭny łonhryd my zrabili razam z MTS: prajechalisia pa miaścinach, źviazanych z žyćciom i tvorčaściu našaha słavutaha ziemlaka, i pakazali, jak vyhladajuć siońnia Ordavy piejzažy.
«Naša Niva» ci nie pieršaja siarod biełaruskich miedyja vykarystała taki farmat dla natyŭnaj rekłamy, što i spravakavała vybuchovy efiekt. Za pieršyja sutki naš prajekt adkryli bolš za 40 tysiač razoŭ, a ahulnaja kolkaść prahladaŭ pieravaliła za 63 tysiačy.
Navučy babulu i dziadulu rabić sełfi
![](http://nashaniva.com/img/w732d4webp1/photos/z_2019_01/krok_5-nowa6-u7drz.jpg.webp)
U sakaviku my dali start konkursu z rozyhryšam dvuch novych smartfonaŭ Samsung Galaxy A8 i Samsung Galaxy A8+.
Dla hetaha treba było navučyć svaich babul ci dziadul rabić sełfi, a potym apublikavać hetaje fota ŭ sacyjalnych sietkach. Paśla prafiesijnaje žury abrała try zdymki-finalisty, a najlepšaje ź ich vyznačyli čytačy NN praz anłajn-hałasavańnie.
Tak pieramahła Maryja Azbuka ź vioski Muraviejnica, što na Homielščynie.
![](http://nashaniva.com/img/w732d4webp1/photos/z_2019_01/786a7167-f6fn4-mktdh.jpg.webp)
Dadamo, što pakul doŭžyŭsia konkurs, my pieryjadyčna jeździli ŭ hości da niekatorych udzielnikaŭ i pisali historyi ich siemjaŭ.
Aŭstryjski standart
![](http://nashaniva.com/img/w732d4webp1/photos/z_2019_01/uiuizqueax0-k2963.jpg.webp)
Najbolš maštabny i ryzykoŭny prajekt minułaha hoda. Dziakujučy Priorbanku, što ŭvachodzić u aŭstryjskuju hrupu Raiffeisen Bank International, my adpravili ŭ Vienu fatohrafa Siarhieja Hudzilina i piśmieńnika Viktara Marcinoviča, jaki pracavaŭ u hetym horadzie i dobra jaho viedaje.
U vyniku vyjšli try roznapłanavyja łonhrydy:
- Marcinovič, jakoha vy nie bačyli: pra novy raman, vienski pobyt, budučyniu i čamu ŭ Biełarusi jon nie svoj
- Ad hotyki da madernu: hajd pa Vienie dla kulturnych padarožnikaŭ ad Viktara Marcinoviča
- 12 drobiaziaŭ z žyćcia Vieny, jakija varta pieraniać Minsku, kab stać jašče lepšym
Mienavita ŭ miežach našaha prajekta Viktar upieršyniu prezientavaŭ uryvak novaha ramana «Noč».
![](http://nashaniva.com/img/w732d4webp1/photos/z_2019_01/002-1w334.jpg.webp)
Biełaruskija hieraini
![](http://nashaniva.com/img/w732d4webp1/photos/z_2019_01/01_screen_emilia-bq0i8-7v70y.jpg.webp)
Razam z Samsung Galaxy S9|S9+ my raskazali historyi žyćcia dvanaccaci žančyn, jakija ŭvajšli ŭ biełaruskuju historyju: buntarki, mastački, paetki. Śviedki daŭno minułych dzion i našy sučaśnicy.
My raskazali pra ich losy, zhadali vykliki, što paŭstavali na ich žyćciovym šlachu.
![](http://nashaniva.com/img/w732d4webp1/photos/z_2019_01/bandarenka06-ceyx0-anzyy.jpg.webp)
Apošnija biełaruskija paromy
![](http://nashaniva.com/img/w732d4webp1/photos/z_2019_01/0917_hdz_paroms_047-t8197.jpg.webp)
U 2017-m razam z Volkswagen my raskazali pra biełaruskija brukavanki. Praz hod my zrabili jašče adzin sumiesny śpiecprajekt — apošnija paromy, što praciahvajuć chadzić pa biełaruskich rekach.
Letam my prajechalisia ŭzdoŭž Prypiaci pa Paleśsi, u pačatku vosieni — uzdoŭž Dniapra i jaho prytokaŭ, a ŭ śniežni prajekt skončyŭsia padarožžam pa poŭnačy Biełarusi ŭzdoŭž Zachodniaj Dźviny.
![](http://nashaniva.com/img/w732d4webp1/photos/z_2019_01/hdz_surazh_dzisna_02-9b8sc.jpg.webp)
Hałoŭnyja miecenaty Biełarusi. Chto i jak viartaje nacyjanalnyja skarby
![](http://nashaniva.com/img/w732d4webp1/photos/z_2019_01/1106_hdz_art_patrons_prew-g4ucz-ivbzf.jpg.webp)
«Naša Niva» pry padtrymcy Biełhazprambanka prasačyła historyju biełaruskaha miecenactva i fundataraŭ kultury. Nam było cikava raspavieści pra tych, chto ŭkładaŭ resursy ŭ kulturnyja zdabytki, tvory mastactva, architekturu, idei i ŭsio toje, što stvarała naš kulturny łandšaft ad časoŭ VKŁ da Respubliki Biełaruś.
My paprasili staršyniu praŭleńnia Biełhazprambanka Viktara Babaryku, pradstaŭnika instytucyi, jakaja najbolš ščodra padtrymlivaje biełaruskuju kulturu, stać pravadnikom u śviecie zamožnych biełarusaŭ — miecenataŭ.
![](http://nashaniva.com/img/w732d4webp1/photos/stock/1106_hdz_art_patrons_12-sdpt2.jpg.webp)
Mašyna času
![](http://nashaniva.com/img/w732d4webp1/photos/z_2019_01/0625_hdz_kryvichy_trip_36-3kdtz-396il.jpg.webp)
«Jany pryjšli na hetuju ziamlu tysiaču trysta hod tamu. Dali imiony rekam i puščam, dali imiony pasieliščam, ź jakich vyraśli našy harady, dali asnovu našaj movie. Jany pakinuli nam — nas, u našych žyłach bruić ich kroŭ. Pakinuli svaje haradziščy na aziornych vyspach, svaje niekropali ŭ lasach, svaje śviaciliščy i svaich bahoŭ, da jakich my apielujem štodnia, sami pra toje nie zdahadvajučysia».
U prajekcie «Mašyna času» my šukali ślady kryvičoŭ, radzimičaŭ i dryhavičoŭ u siońniašniaj Biełarusi. A dapamahaŭ nam «Ford u Biełarusi».
![](http://nashaniva.com/img/w732d4webp1/photos/z_2019_01/hdz_102818_homiel_radzimich_30-cap64-8305h.jpg.webp)
Sučasny biełaruski dyzajn
Usio toje, što nas atačaje, tak ci inakš źjaŭlajecca praduktam dyzajnu. Šyldy, biłbordy, kroj adzieńnia, płaniroŭka kvatery… My sutykajemsia z hetym kožny dzień i časam navat nie ŭjaŭlajem, jak šmat pracy staić za kožnaj rečču.
U hetym prajekcie razam ź niamieckim brendam prafiesijnych pryład dla piśma rOtring my znajomimsia bližej z tymi, chto zadaje tendencyi ŭ dyzajnie: ad łahatypaŭ da ŭpakoŭki.
Darečy, prajekt praciahvajecca. Čakajcie novych častak!
Padarožžy z «Karonaj»
![](http://nashaniva.com/img/w732d4webp1/photos/z_2019_01/0611_hdz_shkloushch_trip_68-c6d2j-fe55o.jpg.webp)
Razam ź sietkaj hipiermarkietaŭ «Karona» my zładzili try padarožžy pa Biełarusi.
Spačatku my adpravilisia na małuju radzimu №1 — u Škłoŭ, dzie pahladzieli na pomnik ahurku i tuju samuju Trafimavu krynicu. Paśla źjeździli na Aršanščynu ŭ viosku Kopyś, dzie jašče žyvyja ŭspaminy ab Janku Kupału (pobač stajała jaho lecišča).
A ŭ kastryčniku prajechalisia pa 25 adrasach karaleŭskaha Hrodna. Historyk Andrej Čarniakievič raspavioŭ pra dalokaje i niadaŭniaje minułaje horada, a taksama pravioŭ pa miaścinach, jakija turysty zvyčajna abminajuć.
![](http://nashaniva.com/img/w732d4webp1/photos/z_2019_01/1004_hdz_harodnia_trip_021-ja80e-eqkgo.jpg.webp)
Mahdeburhskija harady ź Siarhiejem Hudzilinym
Za apošnija dva miesiacy 2018-ha Siarhiej Hudzilin źjeździŭ u vosiem biełaruskich haradoŭ, što pakinuli hłyboki śled u našaj historyi i kultury: ad źjaŭleńnia, praz epochu mahdeburhskaha roskvitu i da našych dzion. Kantent dla materyjałaŭ my stvarali z dapamohaj Samsung Galaxy Note 9.
Padarožžy pačalisia z Mścisłava, dalej my adpravilisia ŭ Pinsk, Navahradak, Brasłaŭ, Mazyr, Połack, Barysaŭ, a zaviaršyŭsia prajekt Niaśvižam, horadam, jaki viedaje ŭvieś śviet.
![](http://nashaniva.com/img/w732d4webp1/photos/z_2019_01/005-t8np2.jpg.webp)
Jaki z našych prajektaŭ vam najbolš spadabaŭsia? Pišycie ŭ kamientarach, a taksama prapanoŭvajcie svaje idei dla materyjałaŭ! I, kali vy chočacie dobra prarekłamavacca, pišycie na [email protected].
Kamientary