Dvuchbakovyja adnosiny Biełarusi i Aŭstryi dapamohuć va ŭmacavańni pazityŭnaj atmaśfiery adnosin respubliki ź Jeŭrasajuzam. Pra heta zajaviŭ ministr zamiežnych spraŭ Uładzimir Makiej padčas sustrečy ź fiederalnym ministram pa pytańniach Jeŭropy, intehracyi i zamiežnych spraŭ Aŭstryjskaj Respubliki Karyn Knajsl, piša Tut.by.
— Vaš vizit vielmi važny dla našych dvuchbakovych adnosin. Ja pamiataju, jak niekalki hadoŭ tamu były kiraŭnik MZS Siebaśćian Kurc zaprasiŭ mianie z aficyjnym vizitam naviedać Aŭstryju. Heta było ŭ 2014 hodzie, naša kraina tady znachodziłasia pad sankcyjami z boku Jeŭrasajuza, i heta byŭ vielmi śmieły krok ź jaho boku. Ja heta vielmi caniu, ja liču, što hety krok i inšyja kroki z aŭstryjskaha boku ŭnieśli svaju leptu ŭ palapšeńnie adnosin pamiž Jeŭrasajuzam i Biełaruśsiu, — skazaŭ Uładzimir Makiej svajoj kalezie z Aŭstryi.
Kiraŭnik MZS Biełarusi taksama adznačyŭ, što novy pasoł Aŭstryi ŭ Biełarusi poŭnaja entuzijazmu z nahody raźvićcia biełaruska-aŭstryjskich adnosin.
— Razam my možam šmat čaho dasiahnuć, jak u dvuchbakovych adnosinach, tak i va ŭmacavańni pazityŭnaj atmaśfiery našych adnosin ź Jeŭrasajuzam. Heta vielmi važna dla nas, asabliva ciapier, kali situacyja ŭ našym rehijonie nie palapšajecca, a praciahvaje vyklikać surjoznuju zaniepakojenaść u suviazi z kanfrantacyjaj, jakaja praciahvajecca, — zajaviŭ Makiej.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary