Žančynam u Saudaŭskaj Aravii aficyjna bolš nie patrabujecca dazvoł apiekunoŭ mužčynskaha połu — mužoŭ, baćkoŭ ci bratoŭ — u pytańniach, jakija tyčacca naradžeńnia dziaciej. Jak paviedamlaje The National, saudaŭskija žančyny sami zmohuć vybirać: naturalnyja rody ci kiesarava siačeńnie.
Akramia taho, dadaje Lenta.ru, žančyny zmohuć biez podpisaŭ apiekunoŭ atrymlivać u lekara źviestki ab chodzie ciažarnaści i terminach naradžeńnia dziaciej, a taksama sami vyrašać ci budzie svajak ci blizki čałaviek znachodzicca pobač padčas rodaŭ.
Letaś žančynam u Saudaŭskaj Aravii dazvolili vadzić mašynu. Akramia taho, ciapier jany mohuć naviedvać futbolnyja matčy.
Niahledziačy na reformy, jakija pravodziacca naślednym pryncam Machamiedam bin Sałmanam, mnohija rečy ŭsio jašče zastajucca pad zabaronaj. Naprykład, biez dazvołu mužčyny-apiekuna žančyny ŭ krainie nie mohuć atrymać pašpart, zrabić płanavuju apieracyju i adkryć rachunak u banku.
Kamientary