Жанчынам у Саудаўскай Аравіі афіцыйна больш не патрабуецца дазвол апекуноў мужчынскага полу — мужоў, бацькоў ці братоў — у пытаннях, якія тычацца нараджэння дзяцей. Як паведамляе The National, саудаўскія жанчыны самі змогуць выбіраць: натуральныя роды ці кесарава сячэнне.
Акрамя таго, дадае Лента.ру, жанчыны змогуць без подпісаў апекуноў атрымліваць у лекара звесткі аб ходзе цяжарнасці і тэрмінах нараджэння дзяцей, а таксама самі вырашаць ці будзе сваяк ці блізкі чалавек знаходзіцца побач падчас родаў.
Летась жанчынам у Саудаўскай Аравіі дазволілі вадзіць машыну. Акрамя таго, цяпер яны могуць наведваць футбольныя матчы.
Нягледзячы на рэформы, якія праводзяцца наследным прынцам Махамедам бін Салманам, многія рэчы ўсё яшчэ застаюцца пад забаронай. Напрыклад, без дазволу мужчыны-апекуна жанчыны ў краіне не могуць атрымаць пашпарт, зрабіць планавую аперацыю і адкрыць рахунак у банку.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары