Chłopcy z hłybinki Paleśsia, jakija źlapili miehaśniehavika z «Pahoniaj», raskazvajuć pra vykliki na «razmovy»
Chłopcy ź vioski Hłuškavičy, jakija źlapili 5-mietrovaha śniehavika ź bieła-čyrvona-biełym ściaham i hierbam «Pahoniaj», raspaviadajuć pra vykliki ŭ milicyju. Niepaŭnaletnich vyklikali na razmovu ŭ škołu — z baćkami.
Viktar Śniahur, jaki ranicaj 1 lutaha raspaviadaŭ Jeŭraradyjo pra śniehavika, kaža, što taksama atrymaŭ vyklik u Lelčycki RAUS — «na razmovu». Jon nie pahadziŭsia pryjści. Ale niekatoryja (usiaho nad śniehavikom pracavali 8 čałaviek) vyrašyli nie admaŭlacca ad zaprašeńnia.
Pa słovach surazmoŭcy Jeŭraradyjo, chłapcoŭ vyklikali da načalnika kryminalnaha vyšuku Lelčyckaha RAUS: «Spytali, što jany majuć suprać ułady i navošta prymacavali ściah. Chłopcy adkazali, što heta nacyjanalnaja simvolika, i jany vyrašyli joju ŭpryhožyć śniehavika. Heta była nie akcyja pratestu ci jašče niešta. Tady Sakałoŭski [časovy vykanaŭca pieršaha namieśnika Lelčyckaha RAUS] skazaŭ, što pytańniaŭ niama: «Napišycie tłumačalnuju». Chłopcy napisali, to bok rastłumačyli, što heta nie palityčnaja akcyja.
Staršynia sielsavieta Vasil Koval paŭtaraŭ, što «heta nie biełaruski ściah, a ściah BNR», a chłopcy kažuć: «A BNR heta što — nie Biełaruś? Hety ściah bo byŭ u nas u pačatku 1990-ch, da admieny». Koval, mabyć, nie viedaŭ hetaha.
U svaju čarhu niepaŭnaletnich chłopcaŭ vyklikali z baćkami ŭ škołu. Tam miascovyja nastaŭniki stali svarycca na baćkoŭ i dziaciej, maŭlaŭ, heta zabaronieny ściah i nas mohuć za heta zvolnić. Maŭlaŭ, što vy robicie, heta nie naš ściah! Baćki im patłumačyli, što hety hierb adnosicca da historyka-kulturnaj kaštoŭnaści Biełarusi i navat raźmieščany na hierbach šerahu biełaruskich haradoŭ. Ale ŭ škole hetaha nie raspaviadajuć dzieciam».
U dziažurnaj častcy Lelčyckaha RAUS Jeŭraradyjo nie paćvierdzili, što siońnia kaho-niebudź z žycharoŭ vioski Hłuškavičy zatrymlivali, dastaŭlali ci zaprašali «na hutarku».
5-mietrovy śniehavik z histaryčnymi biełaruskimi ściaham i hierbam źjaviŭsia 31 studzienia na pryvatnym padvorku ŭ vioscy Hłuškavičy Lelčyckaha rajona. Na toje, kab źlapić jaho, spatrebiłasia try dni. Fota sa śniehavikom i jaho aŭtarami stała virusnym.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek6
Kamientary