U Biełarusi praviedzieny vialiki kompleks rabot pa padrychtoŭcy da mahčymaha pavodki, niebiaśpieka zatapleńniaŭ isnuje ŭ 13 rajonach krainy. Pra heta paviedamiŭ namieśnik premjer-ministra Uładzimir Kucharaŭ, što pravioŭ 22 lutaha pasiadžeńnie kamisii pa nadzvyčajnych situacyjach pry Saŭminie
«My praličyli, što niebiaśpieka pavodki isnuje ŭ 13 rajonach respubliki. Tam hetyja pytańni pastaŭlenyja na asablivy kantrol. I buduć pryniaty miery, kab minimizavać nastupstvy pavodk «, - skazaŭ vice-premjer.
Pieršy namieśnik ministra pa nadzvyčajnych situacyjach Alaksandr Chudalejeŭ nahadaŭ, što apošniaja maštabnaja pavodka na terytoryi krainy adznačałasia ŭ 2013 hodzie. Zaraz ža prahnoz spryjalny. «Na siońnia pa maksimalna niehatyŭnamu scenary najbolš vierahodnyja padtapleńnia ŭ 13 rajonach krainy: u Viciebskaj vobłaści - heta Loźnienski i Sieńnienski rajony. U Homielskaj - Žytkavicki, Mazyrski, Pietrykaŭski, Rahačoŭski. U Minskaj - Barysaŭski, Puchavicki i Staŭbcoŭski. U Mahiloŭskaj - Babrujski, Białynicki, Mścisłaŭski, Čerykaŭski»
«Adnak heta papiaredniaja acenka i staić zadača apiaredzić situacyju «, - padkreśliŭ jon.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek6
Kamientary