BČ adkarektavała raskład ruchu mižnarodnych ciahnikoŭ — susiedzi pierachodziać na letni čas
U suviazi ź pierachodam susiednich krain na letni čas Biełaruskaja čyhunka adkarektavała raskład ruchu mižnarodnych ciahnikoŭ.
U noč z 30 na 31 sakavika Biełaruskaj čyhunkaj sumiesna z čyhunačnymi administracyjami Łatvii, Litvy, Polščy, Rasii i Ukrainy zahadzia praviedziena karekciroŭka raskładu ruchu mižnarodnych ciahnikoŭ.
Naprykład, ciahnik №805 Minsk — Vilnia, jaki adpraŭlajecca ź Minska ŭ 7.35 i prybyvaje na kancavy punkt u 09.05, budzie prybyvać u Vilniu ŭ 10.05 (čas adpraŭleńnia ź Minska zastaniecca bieź źmien). Ciahnik №806 Vilnia — Minsk, jaki adpraŭlajecca ź Vilni ŭ 18.30 i prybyvaje ŭ stalicu Biełarusi ŭ 22.00, budzie adpraŭlacca ź Vilni ŭ 19.30. Čas prybyćcia ŭ Minsk zastaniecca raniejšym.
Ciahnik №85/86 Kijeŭ — Minsk, jaki adpraŭlajecca z Kijeva ŭ 21.09 i prybyvaje ŭ Minsk u 8.38, paśla pierachodu na letni čas budzie adpraŭlacca z Kijeva ŭ 22.12. Čas prybyćcia ciahnika ŭ Minsk i adpraŭleńnia jaho sa stalicy Biełarusi zastaniecca bieź źmien (8.38 i 22.40 adpaviedna). U Kijeŭ ciahnik budzie prybyvać u 8.59.
U suviazi sa źmienami ŭ hrafiku ruchu mižnarodnych ciahnikoŭ skarektavany i raskład asobnych ciahnikoŭ, jakija kursujuć pa terytoryi Biełarusi. Tak, u štodzionnym maršrucie Minsk — Brest — Varšava ciahnik №727 Minsk — Brest, jaki adpraŭlajecca ź biełaruskaj stalicy ŭ 10.57 i prybyvaje ŭ Brest u 14.31, budzie adpraŭlacca ź Minska ŭ 9.50 i prybyvać u Brest u 13.38. Adpaviedna, ciahnik №127 Brest — Varšava, jaki adpraŭlajecca z Bresta ŭ 15.23 i prybyvaje ŭ Varšavu ŭ 17.25, paśla pierachodu na letni čas budzie adpraŭlacca ŭ 14.23. Čas prybyćcia ŭ Varšavu zastaniecca raniejšym.
Bolš padrabiaznuju infarmacyju pra raskład ruchu ciahnikoŭ možna atrymać na sajcie www.rw.by, a taksama ŭ čyhunačnych kasach i pa telefonie kantakt-centra Biełaruskaj čyhunki 105.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary