Maładafrontaviec śćviardžaje, što jaho sprabavali zavierbavać supracoŭniki KDB
21-hadovy maładafrontaviec Ivan Mirončyk kaža, što da jaho na pracu 27 sakavika pryjšli dva supracoŭniki KDB i prapanavali pavałancioryć na Jeŭrapiejskich hulniach, ale chłopiec admoviŭsia. Paśla hetaha pačalisia pytańni ŭžo zusim inšaj nakiravanaści.
U pryvatnaści, u Mirončyka pytalisia pra dziejnaść «Maładoha fronta», a taksama jaho kiraŭnika Dzianisa Urbanoviča. «Pytalisia, jakija akcyi jon płanuje, što heta ŭvohule za čałaviek», — kaža Mirončyk.
«Ja spytaŭsia, ci možna heta ličyć viarboŭkaj, mnie adkazali, kali chočacie, to tak», — zapeŭnivaje maładafrontaviec.
Adzin z supracoŭnikaŭ KDB pradstaviŭsia «Michaiłam Vasiljevičam», druhi svajo imia nie nazyvaŭ.
Ivan Mirončyk pracuje zborščykam na zavodzie MTZ. Kaža, što razmova adbyvałasia ŭ kabiniecie jahonaha načalnika, ale sam načalnik pry joj nie prysutničaŭ. Prablem na pracy ŭ chłopca praz hety vizit jašče nie ŭźnikła.
Ahułam razmova doŭžyłasia amal try hadziny. U vyniku Ivan padpisaŭ papieru, što admaŭlajecca vałancioryć na Jeŭrapiejskich hulniach, a taksama što nie prytrymlivajecca ekstremisckich pohladaŭ.
Ivan Mirončyk — aktyŭny ŭdzielnik vachty pamiaci ŭ Kurapatach.
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca4
Kamientary