«Siońnia adno, zaŭtra druhoje»: Rymašeŭski i Hubarevič adkazali na krytyku Palčysa
Błohier Eduard Palčys, adzin z arhanizataraŭ Dnia Voli — 2019, apublikavaŭ u fejsbuku pretenzii da apazicyjnych palityčnych lidaraŭ. U im jon abvinavaciŭ Vitala Rymašeŭskaha i Juryja Hubareviča ŭ faktyčnym sabatažy.
Asnoŭnaja z pretenzij Palčysa ŭ tym, što, pavodle jaho, apazicyjnyja kaalicyja panižała płanku, tajemna padajučy śledam za arhanizatarami kancerta zajaŭki: Palčys i kampanija na «Dynama» — tyja na Opierny, Palčys i kampanija na Ratušu — tyja na Kijeŭski skvier.
Uvieś tekst čytajcie tut: Palčys: Usia sutnaść dziejańniaŭ Hubareviča i Rymašeŭskaha — sproba pieraškodzić našaj pracy
Što na hety zakidon mohuć adkazać zhadanyja Hubarevič i Rymašeŭski?
«Naša Niva» źviarnułasia da palitykaŭ.
«Kab prakamientavać, treba pračytać. U mianie na heta času niama, — skazaŭ nam Hubarevič. — Prabačcie, dopis u fejsbuku… mianie takija rečy nie cikaviać. Svaju pazicyju pa mierapryjemstvie na 25 Sakavika my vykłali. Dziakuj usim astatnim, chto niešta pravodziŭ. Na ščaście, usio atrymałasia, my ŭziali na siabie adkaznaść za Minsk i dobra praviali. A Palčys zaŭtra adno skaža, zaŭtra druhoje. To decentralizacyja, to niešta nie tak…».
Rymašeŭski byŭ jašče bolš łakaničnym: «Pakolki Palčys viernik, chodzić u carkvu, to ja nie dumaju, što jon chłusić, prosta jon zabyŭ, jak było nasamreč», — skazaŭ jon.
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary