Za atrymańnie chabaru ŭ asabliva bujnym pamiery (18 tysiač dalaraŭ) zatrymany dyrektar adnaho ź filijałaŭ bujnoha pradpryjemstva ŭ śfiery enierhietyki, paviedamlaje pres-słužba staličnaj milicyi.
Adznačajecca, što ŭ chodzie praviadzieńnia apieratyŭna-vyšukovych mierapryjemstvaŭ była atrymana infarmacyja ab atrymańni dyrektaram filijała chabaru ŭ asabliva bujnym pamiery ad słužbovaj asoby kamiercyjnaha subjekta haspadarańnia. Sutnaść pytańnia zaklučałasia ŭ tym, što padčas praviadzieńnia filijałam pracedur pieramovaŭ nieabchodna było vybrać «kankretny» subjekt haspadarańnia dla vykanańnia budaŭniča-mantažnych rabot u enierhasistemie.
Infarmacyja znajšła svajo paćviardžeńnie, i ŭ kancy sakavika bstaličnymi apieratyŭnikami słužbovaja asoba zatrymana z dokazami złačynstva pry atrymańni chabaru bolš za 18 tysiač dalaraŭ.
Zaviedziena kryminalnaja sprava pa č. 3 art. 430 KK R(atrymańnie chabaru ŭ asabliva bujnym pamiery). Sankcyja hetaha artykuła praduhledžvaje pakarańnie ŭ vyhladzie pazbaŭleńnia voli na termin ad piaci da piatnaccaci hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu. Sam fihurant svaju vinu pryznaŭ u poŭnym abjomie.
Kamientary