За атрыманне хабару ў асабліва буйным памеры (18 тысяч даляраў) затрыманы дырэктар аднаго з філіялаў буйнога прадпрыемства ў сферы энергетыкі, паведамляе прэс-служба сталічнай міліцыі.
Адзначаецца, што ў ходзе правядзення аператыўна-вышуковых мерапрыемстваў была атрымана інфармацыя аб атрыманні дырэктарам філіяла хабару ў асабліва буйным памеры ад службовай асобы камерцыйнага суб'екта гаспадарання. Сутнасць пытання заключалася ў тым, што падчас правядзення філіялам працэдур перамоваў неабходна было выбраць «канкрэтны» суб'ект гаспадарання для выканання будаўніча-мантажных работ у энергасістэме.
Інфармацыя знайшла сваё пацвярджэнне, і ў канцы сакавіка бсталічнымі аператыўнікамі службовая асоба затрымана з доказамі злачынства пры атрыманні хабару больш за 18 тысяч даляраў.
Заведзена крымінальная справа па ч. 3 арт. 430 КК Р(атрыманне хабару ў асабліва буйным памеры). Санкцыя гэтага артыкула прадугледжвае пакаранне ў выглядзе пазбаўлення волі на тэрмін ад пяці да пятнаццаці гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю. Сам фігурант сваю віну прызнаў у поўным аб'ёме.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары