Zisier: Lepš by kidalisia pad mašyny siłavikoŭ, a nie naviednikaŭ restarana «Pajedziem pajadzim»
Rašeńni Alaksandra Łukašenki ŭsio bolš dyktujucca jaho pierakanańniami savieckaha kamunista, — miarkuje zasnavalnik partała Tut.baj Juryj Zisier. — «Kali-niebudź dla jaho ŭłady heta skončycca drenna, h.zn. jaho źmiatuć da jaho fizijałahičnaj śmierci», — adznačyŭ jon.
«Dy pakińcie ŭžo ŭ spakoi hety złaščasny restaran, — napisaŭ Juryj Zisier u fejsbuku. — Nie jon prasiŭ prezidenta vynosić vierdykt Kurapatam 1 sakavika. Prezident heta zrabiŭ publična ad usioj dušy, budučy kamunistam staroj zahartoŭki. (Dumka, jakaja praskokvaje dzie-nidzie, pra dahadžańnie Rasii śmiešnaja.) Nie ŭładalniki restarana addavali zahad ab znosie. Nie jany i ich ludzi znosili [kryžy ŭ Kurapatach 4 krasavika]. Bolš za toje, ja całkam upeŭnieny, što jaho ŭładalniki nie chacieli taho, što adbyłosia, razumiejučy, što heta, miakka kažučy, admoŭna adabjecca na ich biźniesie i dobra, kali restaran paśla hetaha nie razhromiać. Ja nie maju ciopłych pačućciaŭ da ich i nikoli nie pajdu ŭ hety restaran, ale zryvać na im naš supolny bol i abureńnie liču zaniatkam, jaki nie adpaviadaje złu, zroblenamu ŭładami. Navošta zryvać naš supolny bol na čužych? Lepš by razdavali ŭlotki rabotnikam lashasa i siłavikam, a nie ni ŭ čym nie vinavatym naviedvalnikam restarana. I kidalisia pad mašyny siłavikoŭ, a nie naviedvalnikaŭ restarana. Ale z restaranam zmahacca praściej i biaśpiečniej, čym z uładami», — piša Zisier.
«Drenna ž vy viedajecie Łukašenku, — adznačaje Zisier. — Prymajučy hetaje rašeńnie, jon mienš za ŭsio dumaŭ pra Rasiju. Jon pastupiŭ jak sapraŭdny saviecki kamunist, jakim u dušy jon jość. Jaho asabistyja pierakanańni ŭsio čaściej adbivajucca na pryniaćci dziaržaŭnych rašeńniaŭ. Dastatkova ŭspomnić dekret ab darmajedach abo patrabavańnie pabudavać darohu pa sastarełych uzorach. Kali-niebudź dla jaho ŭłady heta skončycca drenna, h.zn. jaho źmiatuć da jaho fizijałahičnaj śmierci», — prahnazuje Zisier.
-
Pad Hrodnam adnaŭlajuć tury dryzinaj pa vuzkakalejcy
-
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty
-
«Tania mužna pieraadoleła ŭsio i z usim spraviłasia». Dyrektar EPAM padziakavaŭ usim, chto dapamoh hrašyma dla zmahańnia žonki z rakam
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary