Rasijski prezident Uładzimir Pucin i lidar KNDR Kim Čen Yn pravodziać sustreču va Uładzivastoku. Kadry pačatku ich pieramovaŭ pakazaŭ telekanał «Rasija 24», paviedamlaje RBK.
«Upeŭnieny, što i vaš vizit siońnia ŭ Rasiju pasłužyć spravie raźvićcia dvuchbakovych adnosin i dapamoža nam lepš zrazumieć, jakimi šlachami my možam ŭrehulavać situacyju na Karejskim paŭvostravie», - skazaŭ Pucin u pačatku sustrečy.
U svaju čarhu Kim Čen Yn vykazaŭ nadzieju, što pieramovy z prezidentam Rasii buduć źmiastoŭnymi.
Pucin taksama pavinšavaŭ Kim Čen Yna ź pieravybrańniem na pasadu staršyni Dziaržsavieta KNDR, a paŭnočnakarejski lider u adkaz pavinšavaŭ rasijskaha prezidenta ź pieramohaj na vybarach u 2018-m.
Kim Čen Yn pryjechaŭ na Daloki Uschod na braniravanym ciahniku. Sustreča z Pucinym stała dla jaho šostaj sustrečaj z kiraŭnikami krain: pierad hetym byli z prezidentami Kitaja, Paŭdniovaj Karei, ZŠA, Sinhapura, Vjetnama.

Kamientary