Amierykanski tatula z horadu Hrynfiłd (štat Kalifornija) padazrajecca ŭ tym, što addaŭ u jakaści niaviesty svaju 14-hadovuju dačku 18-hadovamu chłopcu i navat mieŭsia atrymać za heta hrošy, piva i miasa. Detali «šlubnaje ździełki» ŭspłyli tady, kali sam budučy cieść patelefanavaŭ u palicyju, kab paskardzicca, što budučy žanich, jaki pavinny byŭ zabiaśpiečyć ščaślivaha baćku ŭsimi tymi vyšej pryhadanymi dabrotami, admoviŭsia vykonvać svaju častku ŭhody.
Kalifarnijskaja palicyja paviedamlaje, što 36-hadovy Marsalina Martynez byŭ aryštavany, za toje, što abiacaŭ prymusić žyć svaju dačku razam ź inšym mužčynam. Telekanał CNN paviedamlaje, što za zvodnictva Martynez mieŭsia atrymać 16 tysiač dołaraŭ hatoŭkaj, jakija musili być pieradadzienyja jamu razam z 160 skryniami piva, 100 skryniami minierałki, 50 skryniami enierhietyčnych napojaŭ, 2 skryniami vina i šaściu — miasa. Načalnik palicyi horada Hrynfiłd paviedamlaje, što ŭsie ŭdzielniki kryminalnaj spravy — vyšłyja z zachodniaj Mieksiki, dzie padobnyja ździełki — «zvyčajnyja i ahulnapryniatyja». Ale ŭ amierykanskaj Kalifornii takija kałymnyja hiešefty — złačynstva. U dadatak, darma što pavodle śviedčańniaŭ susiedziaŭ dačka pierajechała da chłopca z ułasnaje zhody, ale jana pakul što nie siahnuła paŭnalećcia, 16-hadovaha vieku.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści47
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary