Sarvaŭsia samy hučny tranśfier u historyi futbołu — brazilec Kaka zastajecca ŭ «Miłanie».
Uładalnik «Miłana» — i premjer‑ministr Italii — Silvijo Bierłuskoni aficyjna abviaściŭ pra toje, što 26‑hadovy paŭabaronca zbornaj Brazilii Kaka zastajecca ŭ kłubie.
Rosa‑niery sumiesna z futbalistam adkazali admovaj na prapanovu «Mančestar Sici», jaki acaniŭ brazilca ŭ 107 miljonaŭ funtaŭ (155 miljonaŭ dalaraŭ).
«Nielha prymusić nikoha zastacca ŭ kłubie nasupierak jaho žadańniu, skazaŭ Bierłuskoni. — Hulec, jaki atrymlivaje pałovu taho, što zarabiŭ by jašče niedzie, moža stać niaščasnym. (…)
Ja abviaščaju pra toje, što Kaka zastajecca ŭ «Miłanie», pakolki jon vybiraje čyrvona‑čornych i stavić luboŭ vyšej za hrošy.Jon bačyŭ, što pieražyli našyja fanaty ŭ apošnija dni. I kali Kaka skazaŭ, što jon zastajecca, ja skazaŭ «Aliłuja», paśla čaho my abnialisia», — dadaŭ Bierłuskoni.
***
Infarmacyju pra admovu «Miłana» ad uhody z «Mančester Sici» nakont Kaka aficyjna paćvierdziŭ pres‑ataše rosa‑niery.
Vice‑prezident Adryjana Halijani zaŭvažyŭ:
«Duša pieramahła materyju. Zaŭziatary pavinny dziakavać Bierłuskoni za jahony uniosak. My spravilisia z mocnaj spakusaj, admoviŭšysia ad astranamičnaj sumy, jakaja b stała suśvietnym rekordam», ‑‑ cytuje słovy kiraŭnikoŭ «Miłana» Sport‑Ekspriess.
***
Tym časam «Mančestar Sici» usio ž adnu ździełku zaklučyŭ. Na paŭnočny zachad Anhlii viartajecca forvard zbornaj Uelsa Krejh Biełami. Jon vystupaŭ apošnija dva hady za łondanski «Uest Chem», a dahetul pa śsiezonie pravioŭ u «Błekbiernie» i «Livierpuli». Hulaŭ taksama za «Ńjukasł», «Kovientry», «Siełtyk», a debiutavaŭ u «Norvičy».
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary