«Mama, što ty budzieš rabić?» Maładziečanku, jakaja zadušyła vaśmihadovaha syna, pryznali psichična chvoraj
Minski abłasny sud vynies vyznačeńnie ab prymianieńni prymusovych mier biaśpieki i lačeńnia da žycharki Maładziečna, jakaja zadušyła 8-hadovaha syna, piša kraj.by
Trahiedyja adbyłasia 26 studzienia ŭ Maładziečnie, dzie 29-hadovaja žančyna žyła z synam, svajoj maci i tryma bratami. Paśla zabojstva jana sama patelefanavała ŭ milicyju i zajaviła, što zadušyła dzicia.
Prakuror adździeła prakuratury Minskaj vobłaści Siarhiej Šaravar raspavioŭ kraj.by:
— Sudova-miedycynskaja ekśpiertyza ŭstanaviła, što abvinavačanaja pakutuje na psichičnaje zachvorvańnie i ŭ momant ździajśnieńnia złačynstva była ŭ nieadekvatnym stanie. Pavodle vyznačeńnia suda, žančyna budzie prachodzić lačeńnie ŭ psichijatryčnym stacyjanary sa strohim nahladam až da vyzdaraŭleńnia.
Maładziečanku buduć lačyć u adnoj ź psichijatryčnych balnic u Hrodzienskaj vobłaści. Pacyjenty tam žyvuć u pałatach, ale z kratami na voknach i pad strohim kantrolem. Kurs lačeńnia moža praciahvacca kala 15 hadoŭ.
Na sudovym śledstvie byli pradstaŭleny zapisy kamier videanazirańnia, jakija ŭ kvatery ustalavaŭ adzin z bratoŭ abvinavačvanaj. Na zapisie vidać, jak žančyna zachodzić z synam u pakoj i začyniajecca tam na zamok. Praź niekatory čas jana vychodzić, idzie ŭ prybiralniu, potym viartajecca nazad.
Sama abvinavačanaja raspaviała, što adbyvałasia ŭ pakoi. Pavodle jaje słoŭ, jana ŭziała viaroŭku dla bializny, jakuju kupiła napiaredadni, u dźvie ruki. Syn spytaŭ: «Mama, što ty budzieš rabić?» — «Budziem hulać», — byŭ adkaz. Dzicia ŭzradavałasia.
Maci padyšła da syna zzadu, nakinuła na šyju viaroŭku i zadušyła. Potym chacieła sama pakončyć z žyćciom, paviesiŭšysia, ale nie advažyłasia i patelefanavała ŭ milicyju.
Kamientary