Try enierhabłoki Kalininskaj atamnaj elektrastancyi ŭ Ćviarskoj vobłaści Rasii adklučanyja ad sietki, paviedamlaje TASS.
«Radyjacyjny fon u paradku. Paškodžańniaŭ abstalavańnia niama», — zajavili pradstaŭniki AES.
Aŭtamatyčnaje spynieńnie pieršaha i druhoha enierhabłokaŭ adbyłosia z-za karotkaha zamykańnia.
«Z-za adklučeńnia adnaho z transfarmataraŭ toku na adkrytaj raźmierkavalnaj pryładzie 750 kiłavolt adklučyłasia linija elektrapieradačy. Jak vynik, adklučanyja ad sietki pieršy, druhi i čaćviorty enierhabłoki Kalininskaj AES», — zajaviŭ u svaju čarhu pradstaŭnik Rasenierhaatama.
Nastupstvaŭ dla spažyŭcoŭ z-za adklučeńnia enierhabłokaŭ niama, dadali ŭ viedamstvie.
Pryčynaj incydentu stała karotkaje zamykańnie ŭ transfarmatary toku, z-za jakoha adklučylisia vysakavoltnyja linii elektrapieradač «Biełazierskaja» i «Doślednaja».
Kamientary