Pahadnieńnie ab spraščeńni vizavaha režymu padpišuć, imavierna, u listapadzie
Pahadnieńnie ab spraščeńni vizavaha režymu ź ES budzie padpisana nie paźniej za 2 lutaha 2020 hoda. Imavierna, heta adbudziecca ŭžo ŭ hetym listapadzie. Pra heta paviedamiła žurnalistam kiraŭnik pradstaŭnictva Jeŭrapiejskaha sajuza ŭ Biełarusi Andrea Viktaryn paśla sustrečy z Łukašenkam, paviedamlaje Źviazda.
«Tak, my padpišam vizavaje pahadnieńnie. Nie mahu nazvać kankretnuju datu, ale ŭsie dakumienty ŭžo padrychtavanyja, i zaraz abodva baki prachodziać nieabchodnyja jurydyčnyja pracedury. Chočam padpisać padčas pracy ciapierašniaj kamisii, termin dziejańnia katoraj zakančvajecca ŭ listapadzie. Ćviorda ŭpeŭniena, što heta ŭdasca. My ŭsie viedajem krajni termin: 2 lutaha nastupnaha hoda. My padpišam da taho», — upeŭniena Andrea Viktaryn.
2 lutaha ŭstupić u siłu ŭstupić u siłu novy Vizavy kodeks ES. Siarod inšaha, košt šenhienskich vyraście da 80 jeŭra. Ale paśla padpisańnia pahadnieńnia viza pavinna kaštavać dla biełarusaŭ 35 jeŭra.
Kamientary