Пагадненне аб спрашчэнні візавага рэжыму падпішуць, імаверна, у лістападзе
Пагадненне аб спрашчэнні візавага рэжыму з ЕС будзе падпісана не пазней за 2 лютага 2020 года. Імаверна, гэта адбудзецца ўжо ў гэтым лістападзе. Пра гэта паведаміла журналістам кіраўнік прадстаўніцтва Еўрапейскага саюза ў Беларусі Андрэа Віктарын пасля сустрэчы з Лукашэнкам, паведамляе Звязда.
«Так, мы падпішам візавае пагадненне. Не магу назваць канкрэтную дату, але ўсе дакументы ўжо падрыхтаваныя, і зараз абодва бакі праходзяць неабходныя юрыдычныя працэдуры. Хочам падпісаць падчас працы цяперашняй камісіі, тэрмін дзеяння каторай заканчваецца ў лістападзе. Цвёрда ўпэўнена, што гэта ўдасца. Мы ўсе ведаем крайні тэрмін: 2 лютага наступнага года. Мы падпішам да таго», — упэўнена Андрэа Віктарын.
2 лютага ўступіць у сілу ўступіць у сілу новы Візавы кодэкс ЕС. Сярод іншага, кошт шэнгенскіх вырасце да 80 еўра. Але пасля падпісання пагаднення віза павінна каштаваць для беларусаў 35 еўра.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай7
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары