Siońnia adbyłasia telefonnaja razmova kiraŭnikoŭ Biełarusi i Ukrainy, paviedamili ŭ pres-słužbie prezidenta Biełarusi.
Alaksandr Łukašenka pavinšavaŭ ukrainskaha kalehu z paśpiachovym praviadzieńniem palityčnych kampanij, pažadaŭšy pośpiechaŭ u farmiravańni orhanaŭ ułady i ŭ cełym u dalejšaj pracy.
Uładzimir Zialenski jašče raz paćvierdziŭ zaprašeńnie, skiravanaje raniej na adras kiraŭnika biełaruskaj dziaržavy, naviedać Ukrainu ŭ ramkach II Forumu rehijonaŭ Biełarusi i Ukrainy, jaki adbudziecca ŭ kastryčniku hetaha hoda ŭ Žytomiry. Łukašenka zaprašeńnie pryniaŭ.
Akramia taho, Zialenski padrabiazna raspavioŭ pra situacyju ŭ Danbasie i padziakavaŭ Łukašenku za arhanizacyju efiektyŭnaj pieramoŭnaj placoŭki i ŭ cełym za tuju rolu, jakuju adyhryvaje Biełaruś u spravie ŭrehulavańnia kanfliktu.
Biełaruski lidar u svaju čarhu zapeŭniŭ, što Minsk praciahnie i ŭ dalejšym prykładać usie namahańni dla ŭrehulavańnia situacyi ŭ rehijonie, i Ukraina zaŭsiody moža raźličvać na Biełaruś jak krainu - prychilnicu mirnych inicyjatyŭ i pracesaŭ.
Asobna byli abmierkavanyja pytańni ekanamičnaha ŭzajemadziejańnia i handlu, u pryvatnaści raźvićcio supracoŭnictva ŭ śfiery pramysłovaści, sielskaj haspadarki.
Jašče adnoj asobnaj temaj razmovy stała ŭzajemadziejańnie i zabieśpiačeńnie nacyjanalnaj biaśpieki abiedźviuch krain u enierhietyčnaj śfiery.
Zialenski pavinšavaŭ Łukašenku ź bliskučym praviadzieńniem II Jeŭrapiejskich hulniaŭ. Łukašenka ŭ adkaz pavinšavaŭ kalehu z vysokim vynikam ukrainskaj zbornaj.
U finale razmovy Łukašenka zaprasiŭ prezidenta Ukrainy naviedać Biełaruś u luby čas i ŭ lubym farmacie. Zialenski heta zaprašeńnie z zadavalnieńniem pryniaŭ.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma7
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary