Łukašenka pra kantrol za internetam: Pakul nie viedajem, jak heta zrabić tak, kab na nas nie nakłali sankcyi
Alaksandr Łukašenka na adkryćci kanfierencyi pa baraćbie z teraryzmam prapanavaŭ stvaryć «pojas infarmacyjnaha dobrasusiedstva», jaki b harantavaŭ nieŭmiašańnie krain u infarmacyjnyja resursy adzin adnaho, piša Tut.by.
«Miarkuju, što kožnaja dziaržava adkazvaje na heta pytańnie samastojna: jak siabie pavodzić u ličbavaj prastory, jak rehulavać internet i h.d., — raspavioŭ kiraŭnik krainy. — U Biełarusi jak u suvierennaj krainy jość ułasnaje mierkavańnie na temu maralnych, etyčnych, pravavych miežaŭ svabody internetu. Ja tak svabodna kažu pa pytańni internetu, bo nichto z vas mianie nie papraknie, što my choć u čymści abmiažoŭvajem internet u Biełarusi. Choć treba było b. My pakul nie viedajem, jak heta zrabić tak, kab cyvilizavanaje hramadstva iznoŭ nie nakłała na nas sankcyi, tamu my pakul nie čapajem internet. Čas tryvaje», — skazaŭ Łukašenka.
Juraś Ziankovič raskazaŭ pra svajo vyzvaleńnie i šlach u ZŠA6
Kamientary