U Rasii startavaŭ adziny dzień hałasavańnia

U Rasii startavaŭ adziny dzień hałasavańnia — vybary roznaha ŭzroŭniu prachodziać va ŭsich 85 rehijonach. Najbolšaja ŭvaha prykavana da Maskvy — u stalicy vybirajuć deputataŭ Mashardumy — i da Pieciarburha — haradžanie hałasujuć za hubiernatara, piša bbc.com.

Vybary prachodziać na fonie samych masavych za apošnija vosiem hadoŭ pratestaŭ u Maskvie i rekordna nizkaha ŭzroŭniu davieru da ŭłady. U bolšaści vypadkaŭ vybarkamy admovili ŭ rehistracyi kandydatam ad apazicyi.

Adziny dzień hałasavańnia u 2018 hodzie prachodziŭ u padobnych umovach — tady pratesty i padzieńnie rejtynhaŭ ŭłady z-za piensijnaj reformy pryviali da parazy kandydataŭ Kramla na hubiernatarskich vybarach u troch rehijonach. Pryčym prajhrali staŭleniki ŭłady svaim sparynh-partnioram, jakich navat nie razhladali jak patencyjna niebiaśpiečnych supiernikaŭ.

U hetym hodzie być vybranymi treba budzie kiraŭnikam 16 rehijonaŭ, siarod jakich Sankt-Pieciarburh. Supraćstajać časovamu vykanaŭcu abaviazkaŭ hubiernatara horada Alaksandru Biahłovu źbiralisia 27 čałaviek, ale zarehistravacca ŭdałosia tolki traim. A tydzień tamu kankurentaŭ u Biahłova zastałosia dvoje — režysior Uładzimir Bartko, vyłučanych ad KPRF, abviaściŭ ab źniaćci svajoj kandydatury ŭ žyvym efiry padčas teledebataŭ.

Jon zajaviŭ, što aścierahajecca falsifikacyj, i vykazaŭ niezadavolenaść tym, što harvybarkam vyrašyŭ arhanizavać učastkovyja vybarčyja kamisii ŭ Pskoŭskaj i Leninhradskaj abłaściach, dzie składana arhanizavać nazirańnie. Bartko patłumačyŭ, što źbiraŭsia «hulać u futboł, a nie ŭ padkidnoha durnia», i prosta syšoŭ sa studyi.

Taksama vybary kiraŭnika respubliki projduć u Inhušecii, ale tam kiraŭnika vybirajuć nie naŭprost, a hałasami deputataŭ miascovaha parłamienta. Pa takoj ža schiemie projduć vybary kiraŭnikoŭ akupavanaha Rasijaj Kryma i Kabardzina-Bałkaryi, ale jany adbuducca paźniej u hetym hodzie.

Akramia taho, u troch administracyjnych centrach rehijonaŭ buduć vybirać meraŭ. Heta stalica Buracii Ułan-Ude, stalica Čukotki Anadyr, a taksama Novasibirsk. U apošnim kiraŭniku horada, kamunistu Anatolu Łokaciu supraćstaić paplečnik apazicyjaniera Alaksieja Navalnaha Siarhiej Bojka.

Taksama ŭ čatyroch vybarčych akruhach adbuducca i davybary deputataŭ Dziarždumy — vybarščyki buduć vybirać novych deputataŭ zamiest niekalkich jakija pajšli daterminova.

U Śviardłoŭskaj vobłaści, naprykład, vystaviŭsia bijatłanist Anton Šypulin, a ŭ Chabaraŭskam krai — śpiavačka Viktoryja (Vika) Cyhanova.

Narešcie, u 13 rehijonach vybieruć rehijanalnyja parłamienty. Siarod ich Maskva — sioleta kampanija pa vybarach u Mashardumu vyliłasia ŭ samyja masavyja za apošnija vosiem hadoŭ vuličnyja pratesty. Nahodaj stała admova vybarkamaŭ zarehistravać apazicyjnych kandydataŭ. Kamisii vyjavili ŭ padadzienych imi podpisaŭ vybarščykaŭ, čyjoj padtrymkaj zaručylisia kandydaty, adsotak braku, jaki pieravyšaje dapuščalny. Apazicyjaniery z hetym nie pahadzilisia, abvinavaciŭšy vybarkamy ŭ praduziataści, i vyvieli prychilnikaŭ na vulicy.

Ułady ž na hetych vybarach nie stali vyłučać svaich kandydataŭ ad «Adzinaj Rasii», vierahodna, bajučysia parazy. U vyniku navat takija členy partyi jak lider maskoŭskich adzinarosaŭ Andrej Miacielski zarehistravalisia jak samavyłučencaŭ. Rašeńnie jany patłumačyli žadańniem pradstaŭlać intaresy ŭsich maskvičoŭ. Hetyja kandydaty atrymali mianušku «samomiedviežiency» (hulnia słovaŭ ad ruskaha «samovydvižiency»), z-za adsyłki da simvała «Adzinaj Rasii» - miadźviedzia.

Supraćstajać im u asnoŭnym buduć pradstaŭniki dumskich partyj - KPRF, ŁDPR i «Spraviadlivaj Rasii», im źbirać podpisy ŭ padtrymku svajho vyłučeńnia nie pryjšłosia.

Apazicyjanier Alaksiej Navalny ŭ adkaz prapanavaŭ prychilnikam «Razumnaje hałasavańnie» - padtrymać na vybarach taho kandydata, u jakoha bolš za ŭsio šancaŭ pieramahčy vyłučenca ad ułady. Tak, pa płanie Navalnaha, možna pazbavić ŭładu bolšaści ŭ Mashardumie. Ekśpierty Fondu baraćby z karupcyjaj Navalnoho ŭ bolšaści akruhaŭ prapanavali prahałasavać za kamunistaŭ.

U KPRF inicyjatyvu Navalnaha padtrymali, ale adchryścilisia ad taktyčnych sajuzaŭ ź im, spasłaŭšysia na mocnyja ideałahičnyja adroźnieńni.

• 0
• 0
• 0
• 0
• 0
• 0