Łaŭroŭ: Składanaściaŭ u adnosinach Rasii i Biełarusi z-za niepryznańnia apošniaj Kryma rasijskim niama
Pra heta zajaviŭ kiraŭnik MZS Rasii Siarhiej Łaŭroŭ u intervju haziecie «Trud», adkazvajučy na pytańnie ab tym, ci ŭnosić składanaści ŭ dvuchbakovyja adnosiny toj fakt, što Biełaruś nie pryznała Krym častkaj RF i niezaležnaść Abchazii i Paŭdniovaj Asiecii
«Sumnieńniaŭ u važnaści ŭmacavańnia Sajuznaj dziaržavy ŭ nas nikoli nie było. Dastatkova źviarnucca da zaćvierdžanaj prezidentam Uładzimiram Pucinym u listapadzie 2016 hoda Kancepcyi źniešniaj palityki Rasijskaj Fiederacyi, dzie praca ŭ ramkach hetaha intehracyjnaha farmatu — u liku biezumoŭnych pryjarytetaŭ. Viedajem, što anałahičnych padychodaŭ prytrymlivajucca i biełaruskija siabry», — adkazaŭ Łaŭroŭ.
Jon taksama adznačyŭ, što raz u dva hady prymajucca Prahramy ŭzhodnienych dziejańniaŭ u halinie źniešniaj palityki dziaržaŭ — udzielnic Dahavora ab stvareńni Sajuznaj dziaržavy.
Što ž tyčycca pytańnia ab pryznańni Kryma, a taksama niezaležnaści Abchazii i Paŭdniovaj Asiecii, to, pa słovach Łaŭrova, «Minsk paśladoŭna hałasuje ŭ AAN suprać adkryta pravakacyjnych rezalucyjaŭ «Stanovišča ŭ halinie pravoŭ čałavieka ŭ Aŭtanomnaj Respublicy Krym i horadzie Sievastopali» i «Pałažeńnie ŭnutrana pieramieščanych asob z Abchazii i Paŭdniovaj Asiecii».
«Takim čynam, kazać ab jakich-niebudź składanaściach u našym dyjałohu nie davodzicca», — padsumavaŭ kiraŭnik rasijskaha MZS.
Ciapier čytajuć
Unučki Łukašenki paśpiachova zamacavalisia ŭ Rasii7
Kamientary