Лаўроў: Складанасцяў у адносінах Расіі і Беларусі з-за непрызнання апошняй Крыма расійскім няма
Пра гэта заявіў кіраўнік МЗС Расіі Сяргей Лаўроў у інтэрв'ю газеце «Труд», адказваючы на пытанне аб тым, ці ўносіць складанасці ў двухбаковыя адносіны той факт, што Беларусь не прызнала Крым часткай РФ і незалежнасць Абхазіі і Паўднёвай Асеціі
«Сумненняў у важнасці ўмацавання Саюзнай дзяржавы ў нас ніколі не было. Дастаткова звярнуцца да зацверджанай прэзідэнтам Уладзімірам Пуціным у лістападзе 2016 года Канцэпцыі знешняй палітыкі Расійскай Федэрацыі, дзе праца ў рамках гэтага інтэграцыйнага фармату — у ліку безумоўных прыярытэтаў. Ведаем, што аналагічных падыходаў прытрымліваюцца і беларускія сябры», — адказаў Лаўроў.
Ён таксама адзначыў, што раз у два гады прымаюцца Праграмы ўзгодненых дзеянняў у галіне знешняй палітыкі дзяржаў — удзельніц Дагавора аб стварэнні Саюзнай дзяржавы.
Што ж тычыцца пытання аб прызнанні Крыма, а таксама незалежнасці Абхазіі і Паўднёвай Асеціі, то, па словах Лаўрова, «Мінск паслядоўна галасуе ў ААН супраць адкрыта правакацыйных рэзалюцыяў «Становішча ў галіне правоў чалавека ў Аўтаномнай Рэспубліцы Крым і горадзе Севастопалі» і «Палажэнне ўнутрана перамешчаных асоб з Абхазіі і Паўднёвай Асеціі».
«Такім чынам, казаць аб якіх-небудзь складанасцях у нашым дыялогу не даводзіцца», — падсумаваў кіраўнік расійскага МЗС.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў133
Каментары