Pozna ŭviečary na aŭtadarozie «Maładziečna — Narač» u pole zroku ekipaža DAI trapiŭ mikraaŭtobus «Volkswagen Transporter» Supracoŭniki darožnaj milicyi spynili aŭtamabil dla pravierki dakumientaŭ, ale jak vyśvietliłasia paźniej, tem dla razmovy z kiroŭcam u pravaachoŭnikaŭ akazałasia našmat bolš, paviedamlaje abłasnaja milicyja.
Kiravaŭ mašynaj 28-hadovy žychar Maładziečna, indyvidualny pradprymalnik. U chodzie pravierki dakumientaŭ było ŭstanoŭlena, što na aŭtamabili nie byŭ projdzieny techahlad. Vonkava mikraaŭtobus mocna asieŭ pad ciažaram hruzu, a znutry mašyna była pustaja. Dla dalejšych razboraŭ kiroŭca i aŭtamabil byli dastaŭleny ŭ Maładziečanski RAUS. Jak vyśvietliłasia, nie daremna.
U hruzavym adsieku supracoŭniki milicyi vyjavili samarobnuju schovanku. Tam kiroŭca pieravoziŭ 600 litraŭ 95-pracentnaha etyłavaha śpirtu. Ałkaholnaja vadkaść transpartavałasia ŭ 120 palimiernych płastykavych bankach jomistaściu 5 litraŭ kožnaja. Razbavili asartymient kantrafaktu 12 butelek harełki «Nafta», nie markiravanaj biełaruskimi akcyzami.
Pa słovach samoha «śpirtavoza», vysakahradusny napoj jon pryvioz z Rasii dla asabistych patreb, da kančatkovaj kropki maršrutu - ułasnaj chaty - jamu zastavałasia litaralna 1,5 km. Nakolki praŭdzivyja takija tłumačeńni, u bližejšy čas treba vyśvietlić pravaachoŭnikam.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary